Образы Богоматери
Согласно православному преданию первые иконы Божьей Матери были написаны одним из сподвижников апостола Павла, евангелистом Лукой, который, помимо искусства врачевания, был наделен талантом живописца.
Исполняя горячее желание первых христиан узреть хотя бы живописный лик Богородицы, если нет возможности предстать перед ней самой, апостол написал три иконы. На двух из них он изобразил Богоматерь с младенцем Иисусом на руках; именно эти иконы стали прообразами икон типа Елеуса (Богоматерь нежно прижимает к себе Богомладенца) и Одигитрии (Богоматерь указывает на рожденного ею Спасителя). На третьей он изобразил Богоматерь одну в молитвенной позе заступницы и просительницы за грешных людей. Она положила начало третьему типу икон, называемому Милостивая.
Все три иконы Лука показал Богородице, которая благословила эти образы. Уже ко II в. н. э. изображения лика Богородицы получили широкое распространение: в римских катакомбах находят изображения Божьей Матери в молитвенной позе с воздетыми к небу руками. Они положили начало еще одному типу иконописи, обретшему название Оранта, что в переводе означает «молящаяся».
На протяжении всех последующих веков Богородица остается одной из основных фигур византийской, а затем и древнерусской иконописи. При этом большую часть создаваемых новых икон продолжают по традиции приписывать все тому же Луке Евангелисту.
На сегодняшний день в православной иконописи насчитывается свыше 800 различных образов Пречистой Девы, многие из которых наделены чудодейственной силой: исцеляют болезни, отвращают беды и неприятности, помогают обрести душевные и физические силы, способствуют преодолению тяжелых пороков и пагубных привычек.
В зависимости от идеи раскрытия образа Богородицы все православные иконы Пречистой Девы условно подразделяются на 5 основных типов.
1. Оранта.
2. Одигитрия.
3. Елеуса (Милостивая).
4. Агиосортисса.
5. Акафистный, объединяющий все остальные варианты изображения Богородицы.
По канону Богородицу изображают в мафории (плат, покрывающий голову и фигуру замужних женщин), с нимбом над головой. На иконах присутствует характерная надпись, переводимая как «Матерь Бога».
Молящаяся (Оранта, Панагия, «Знамение»)
Оранта, известная в русской иконописи больше как Знамение, раскрывает тему воплощения, или рождения Бога во плоти. На иконах этого типа Дева Мария изображается молящейся: с воздетыми вверх руками, обращенными ладонями наружу. На уровне груди Богоматери расположена сфера, символизирующая лоно Марии, в которую вписан поясной образ Спаса Эммануила.
Отрок Иисус в одной руке держит свиток, а второй благословляет. В зависимости от того или иного варианта Оранты Богоматерь может быть изображена в полный рост или сидящей, но чаще всего встречается поясное изображение. Одета Мария, как правило, в красно-синие одежды, что символизирует ее земное происхождение и божественное призвание, соединение девства с материнством.
Часто на иконах типа Оранты присутствуют изображения архангелов или херувимов, что выражает мысль о вознесении рода людского через рождение Марией Богочеловека выше ангелов.
Икона Божьей Матери «Знамение» Новгородская
Композиция этой древней иконы, созданной в первой половине XII в., предельно лаконична и симметрична. Богоматерь изображена по пояс, с нагрудным медальоном, в который помещен благословляющий Спас Эммануил.
По преданию, первая икона типа Оранта появилась на Руси в XI в. и хранилась в церкви Спаса Преображения в Великом Новгороде. В 1170 г. город оказался в осаде, его защитники гибли сотнями, отражая атаки на крепостные стены, но силы были неравными.
Накануне решающего сражения святитель Иоанн, три дня молившийся в храме, услышал голос, который велел ему взять образ Богородицы из церкви Спаса и вынести ее на городскую стену.
Во время ожесточенной битвы одна из стрел осаждавших попала прямо в лик Богородицы, и к удивлению всех присутствовавших она обратила его к городу, а из глаз ее потекли слезы. Воодушевленные случившимся чудом, защитники с небывалой силой бросились на врагов у стен города, а те в ужасе от Божьего знамения потеряли разум и стали нападать друг на друга. Вскоре враг бежал из-под новгородских стен, город был спасен.
В честь чудесного избавления Новгорода от врага святитель Иоанн объявил 27 ноября праздником Знамения Божьей Матери.
Помимо Богоматери со Спасителем, на обороте иконы изображены двое святых – предположительно родители Марии, Иоаким и Анна, молящиеся Спасителю. Одна из главных святынь православия, икона Божьей Матери «Знамение» Новгородская хранится сегодня в Софийском соборе Великого Новгорода.
Перед Новгородской иконой молятся об избавлении от эпидемий.
Молитва
О, Пресвятая и Преблагословенная Мати Сладчайшаго Господа нашего Иисуса Христа! Припадаем и покланяемся Тебе пред святою чудотворною иконою Твоею, воспоминающе дивное знамение Твоего заступления, Великому Новуграду от нея явленное во дни ратнаго на сей град нашествия. Смиренно молим Тя, Всесильная рода нашего Заступнице: якоже древле отцем нашим на помощь тогда ускорила еси, тако и ныне нас, немощных и грешных, Твоего Матерняго заступления и благопопечения сподоби: спаси и сохрани, Вадычице, под кровом милости Твоея люди Твоя, церковь святую утверди, град Твой (весь Твою) и всю страну нашу православную и всех нас, припадающих к Тебе с верою и любовию и умиленно просящих со слезами Твоего заступления, помилуй и сохрани. Ей, Госпоже Всемилостивая! Умилосердися на ны, обуреваемыя грехми многими, простри ко Христу Богу богоприимнеи руце Твои и предстательствуй за нас пред благостию Его, просящи нам прощения прегрешений наших, благочестнаго, мирнаго жития, благия христианския кончины и добраго ответа на страшнем суде Его: да спасаеми всесильными Твоими к Нему молитвами, блаженство райское унаследуем и со всеми святыми воспоем Пречестное и Великолепое имя достопокланяемыя Троицы, Отца и Сына и Святаго Духа, и Твое велие к нам милосердие во веки веков. Аминь.
Тропарь, глас 4-й
Яко необоримую стену и источник чудес, стяжавше Тя раби Твои, Богородице Пречистая, сопротивных ополчения низлагаем. Темже молим Тя, мир граду Твоему даруй и душам нашим велию милость.
С Новгородской чудотворной иконы было сделано немало списков, многие из которых обладают великой исцеляющей силой. Самые известные – следующие списки.
Икона Божьей Матери «Знамение» Серафимо-Понетаевская
Написана в 1879 г. в Серафимо-Понетаевской женской обители. Список близок Новгородской иконе «Знамение»: Богоматерь изображена по пояс, Спас Эммануил в одной руке держит свиток, а второй рукой благословляет. Для иконы характерно соединение древнерусской композиции с новой светской манерой живописания ликов Младенца и Богоматери.
Данная икона избавляет от глазных болезней, расслабления ног, паралича рук, нервных заболеваний, ревматических болей, спасает от эпидемий гриппа.
Целительный список иконы начала XX в. ныне находится в Серафимо-Дивеевском монастыре (Дивеево, Нижегородская область).
Молитва
О, Пресвятая Дево, Матерь Господа Вышняго, Заступнице и Покрове всех, к Тебе прибегающих! Призри с высоты святыя Твоея на мя, грешнаго, припадающего ко пречистому образу Твоему; услыши мою теплую молитву и принеси ю пред возлюбленнаго Сына Твоего, Господа нашего Иисуса Христа; умоли Его, да озарит мрачную душу мою светом Божественныя благодати Своея, да избавит мя от всякия нужды, скорби и болезни, да низпослет мне тихое и мирное житие, здравие телесное и душевное, да умирит страждущее сердце мое и исцелит раны его, да наставит мя на добрая дела, ум мой убо от помышлений суетных да очистит, исполнению же заповедей Своих мя научив, от вечныя муки да избавит и Своего Небеснаго Царствия да не лишит мя. О Пресвятая Богородице! Ты, всех скорбящих Радосте, услыши и мя, скорбнаго; Ты, именуемая Утоление печали, утоли и мою печаль; Ты, Купино неопалимая, сохрани мир и всех нас от вредоносных огненных стрел врага; Ты, Взыскание погибших, не попусти и мне погибнути в бездне грехов моих. На Тя бо по Бозе вся моя надежда и упование. Буди мне в жизни временней Заступнице и о жизни вечней пред возлюбленным Сыном Твоим, Господем нашим Иисусом Христом, Ходатаица. Тебе же, Пресвятая Мати Божия, Преблагословенная Марие, благоговейно чтити до скончания дней моих. Аминь.
Икона Божьей Матери «Знамение» Корчемная
Чудотворная икона хранится в Свято-Иоанно-Богословском монастыре (Рязанская область, село Пощупово).
На образе представлено поясное изображение Богоматери с молитвенно поднятыми вверх руками. На уровне груди в светло-коричневом медальоне помещен образ Спаса Эммануила, правой рукой благословляющего молящихся. В отличие от других икон данного типа мафорий Богородицы так плотно запахнут у самой шеи, что из-под него не видно хитона.
По преданию, в середине XIX в. в одну рязанскую корчму зашла незнакомка, бывшая в запое. Она пропила все свое имущество, но не могла остановиться, поэтому решила продать последнее, что у нее оставалось, – благословенную родовую икону Божьей Матери. Несмотря на укоры кабатчика, женщина оставила икону ему, но уже через несколько дней, протрезвев, прибежала за святыней и выкупила обратно. Однако образ бесследно исчез из дома и снова оказался в корчме, где его оставили. Женщина после явленного ей чуда раскаялась и бросила пить, а сама икона с тех пор стала называться «Знамение» Корчемной.
Икона неоднократно являла чудеса исцеления людей от гангрены, гнойных ран, параличей, помогала избавляться от пьянства и пристрастия к игре. Чудотворная икона, сохраненная в 1920-е гг., была передана в монастырь и продолжает исцелять от болезней рук и ног, а также от пагубного пристрастия к алкоголю и наркотикам.
Молитва
О, Пресвятая Владычице Богородице, Небеснаго Царя Мати, Богоизбранная Отроковице! Ненадежных надеяние, больных исцеление, сирым предстательнице, скорбящим утешение и радость, обидимым покровительнице и всем в бедах и напастях сущим скорое поможение и заступление! Помози, о Мати Божия, и нам, грешным, в скорби нашей, возвесели радостию сердца людей Твоих; управи в мире и тишине жизнь нашу и не даждь во отчаяние впасти. Ты бо едина еси паче всех святых и паче всех горних умов Предстательница наша к Богу, яко Всеблагаго Царя Благая Мати. Темже мы, грешнии, на Пречистый Твой образ «Знамения» взирающе, умиленно преклоняем колена и, благоговейно лобызающе, молим Тя, Благосердая Мати: не отрини смиреннаго моления нашего и яви нам знамение милости Твоея: никтоже бо, к Тебе прибегая со упованием, исходит от Тебе посрамлен, но просит благодати и приемлет дар к полезному прошению, прославляя Сына Твоего и Бога, и Тебе с Ним, во веки веков. Аминь.
Тропарь, глас 4-й
Яко необоримую стену и источник чудес стяжавше Тя раби Твои, Богородице Пречистая, сопротивных ополчения низлагаем. Темже молим Тя: мир граду Твоему даруй и душам нашим велию милость.
Икона Божьей Матери «Знамение» Царскосельская
Над головой Богоматери, увенчанной короной, изображены два херувима. Слева и справа от центрального образа расположены четыре фигуры: апостола Петра, святого Захария, божиего человека Алексия и святой праведной Елисаветы. На оригинале иконы понизу идет благодарственная надпись сельчан, оставленная после чудесного избавления Царского Села от эпидемий: «За спасение от эпидемии приими, Милосердая Владычице, Покровительнице града Царского Села, сии перлы, яко слезы благодарности, орошающие Твою пречистую ризу, от усердных рабов Твоих и впредь помилуй нас».
Чудотворная икона была подарена патриархом Константинопольским русскому царю Алексею Михайловичу. После основания Санкт-Петербурга икону перевезли в новую столицу. До революции 1917 г. она находилась в специально построенной для нее Знаменской церкви в Царском Селе, откуда и пошло ее новое название – Царскосельская.
Икона прославилась многими чудесными знамениями, избавила Царское Село от страшных эпидемий, в том числе чумы и холеры, спасала от пожаров.
Оригинал, богато украшенный драгоценными камнями, бесследно исчез после революции, но один из чудотворных списков начала XIX в. ныне находится в Академическом храме святого апостола и евангелиста Иоанна Богослова при Санкт-Петербургской Духовной академии и семинарии, продолжая являть чудеса обращающимся к ней верующим.
Молитва
О, Пресвятая Дево, Мати Господа Вышних Сил, небесе и земли Царице, града и страны нашея всемощная Заступнице! Приими благодарение и славу от нас, недостойных раб Твоих, и вознеси молитвы наша ко престолу Бога Сына Твоего, да явит нам знамение милосердия Своего и пробавит благодать Свою чтущим всечестное имя Твое и с верою и любовию поклоняющимся чудотворному образу Твоему. Несмы бо достойни от Него помиловани быти, аще не Ты умилостивиши Его о нас, Владычице, Тебе же вся от Него возможна суть. Сего ради к Тебе прибегаем, яко к несомненней и скорей Заступнице нашей. Услыши нас, моляшихся Тебе, осени нас вседержавным покровом Твоим и испроси от Господа Вседержителя стране нашей и православному народу мир, здравие, спасение и во всем благое поспешение, пастырем же нашим ревность и бдение о душах, градоправителем мудрость и силу, судиям правду и нелицеприятие, наставником разум и смиренномудрие, супругом любовь и согласие, чадом послушание, обидимым терпение, обидящим страх Божий, скорбящим благодушие, радующимся благословение, болящим здравие, напаствуемым заступление, нам же всем дух веры и благочестия, дух милосердия и кротости, дух чистоты и правды. Ей, Царице Преблагая! Умилосердися на немощныя люди Твоя, рассеянныя по распутием мира собери, заблуждающия на путь правый настави, старость укрепи, юныя уцеломудри, младецы воспитай и призри на всех нас призрением Матерняго Твоего милосердия, воздвигни нас из глубины греховныя и просвети сердечныя очи наши ко зрению спасения. Милостива нам буди зде и тамо, во стране земнаго пришельствия и на страшнем суде Сына Твоего, преставльшияся же в вере и покаянии от жития сего отцы и братию нашу в вечней жизни со ангелы и со всеми святыми жити сотвори. Ты бо еси, Госпоже, слава небесных и упование земных, Ты по Бозе наша Надежда и Заступница всех притекающих к Тебе с верою. Тебе убо молимся, и Тебе, яко всемогущей Помощнице, сами себе и друг друга и всю жизнь нашу по Христе Бозе предаем, ныне и присно и во веки веков. Аминь.
Икона Божьей Матери «Знамение» Верхнетагильская (Знаменский храм, Верхний Тагил)
Икона относится к типу Знамение с поясным изображением Богородицы и Спаса Эммануила. В верхней части иконы изображены херувим и серафим.
Согласно преданию икона Божьей Матери «Знамение» долгое время пребывала в монашеском скиту, где проживали бурлаки. Когда последним надоело жить спокойной жизнью, они разорили обитель, не тронув только образ Богородицы, и собрались отправиться на уральские заводы.
Однако одному из бурлаков привиделся образ Богородицы, который повелел ему забрать святой лик из скита и увезти вместе с собой на Урал. В конце XIX в. икона была передана в Знаменский храм, где находится и теперь. В 1861 г. во время пожара в храме она еще раз явила чудо, так как совершенно не пострадала от огня.
Молитва перед иконой исцеляет от высокой температуры, малярии, заболеваний глаз, болей в ногах.
Тропарь Божьей Матери, глас 4-й
Яко необоримую стену и источник чудес стяжавше Тя, раби Твои, Богородице Пречистая, сопротивных ополчения низлагаем. Темже молим Тя: мир граду Твоему даруй и душам нашим велию милость.
Икона Божьей Матери «Ярославская Оранта» («Великая Панагия»)
Как и икона «Знамение», «Великая Панагия» восходит к иконографическому типу Оранта, но в отличие от икон первого типа, Мария изображается в поясном варианте, в «Великой Панагии» Богоматерь предстает в полный рост.
«Ярославская Оранта» – одна из старинейших икон Древней Руси. Согласно преданию первая икона «Великой Панагии» была написана в Киеве в XII в. преподобным Алипием, талантливым иконописцем Печерского монастыря.
Строгая и величественная Богоматерь изображена на иконе стоящей в полный рост на красном овальном коврике. Она окружена золотым светом, символизирующим благодать Святого Духа, дарованную ей в момент зачатия.
Главное отличие этой иконы от большинства вариантов Оранты заключается в изображении Спаса Эммануила, который вслед за матерью молитвенно простер обе руки к небу, сложив пальцы для благословения. В верхних углах иконы даны изображения сферы с ликами архангелов Михаила и Гавриила.
Первообраз находится в Москве в Третьяковской галерее, а чудотворный список иконы, относящийся к XIII в., – в Спасо-Преображенском соборе Ярославля.
Икона помогает исцелиться от заболеваний нервного характера, стрессов, избавляет от страхов, дарует силы для борьбы с болезнями и пороками.
Молитва
Приими, Всеблагомощная Пречистая Госпоже, Владычице Богородительнице, сия честныя дары, Тебе единей прикладныя, от нас, недостойных рабов Твоих, от всех родов избранная, всех тварей небесных и земных вышшая явльшаяся. Понеже бо Тебе ради бысть Господь сил с нами, и Тобою Сына Божия познахом, и сподобихомся Святаго Тела Его и Пречистыя Крове Его. Темже блаженна еси в родех родов, Богоблаженная, херувимов светлейши и серафимов честнейши сущая. И ныне, Всепетая Пресвятая Богородице, не престай молящися о нас, недостойных рабех Твоих, еже избавитися нам от всякаго совета лукаваго и от всякаго обстояния, и сохранитися нам неврежденным от всякаго ядовитаго прилога диавольскаго. Но даже до конца молитвами Твоими неосужденных нас соблюди, яко да Твоим заступлением и помощию спасаеми, славу, хвалу, благодарение и поклонение за вся в Троице единому Богу и всех Создателю возсылаем, ныне и присно и во веки веков. Аминь.
Икона Божьей Матери Мирожская
По преданию Мирожская икона Божьей Матери явилась псковичам в 1198 г. на берегу местной реки Мирожи, что и дало название образу.
Богоматерь предстает в полный рост, с молитвенно поднятыми к небу руками. На уровне груди в складках мафория изображен Спас Эммануил, повторяющий молитвенный жест матери, но со сложенными для благословления пальцами. Слева от Богородицы стоит святой псковский князь Довмонт, справа от образа Пречистой Девы написана его супруга. В верхней части иконы расположены поясные изображения двух архангелов.
Долгое время чудесная икона находилась в Мирожском монастыре, где неоднократно являла чудеса мироточения и слезоточения. В конце XVI в. она избавила город от свирепствовавшей в нем холеры, затем неоднократно помогала людям исцеляться от самых разных недугов.
Древняя икона XIII в. бесследно пропала в конце XVI в., но за несколько лет до ее исчезновения с нее был сделан чудотворный список, который и сегодня хранится в Псковском музее-заповеднике. Списков иконы немного: один из них находится в Кафедральном соборе Богоявления в Елохове (Москва), несколько современных копий хранятся в псковских храмах.
Чудотворная икона помогает исцеляться при разных болезнях нервного происхождения, дарует силу для борьбы с недугами, облегчает состояние больных, защищает при распространении эпидемий.
Молитва
О, Пресвятая Владычице Богородице, Небеснаго Царя Мати, Богоизбранная Отроковице, ненадежных надеяние, больных исцеление, сирым предстательнице, скорбящим утешение и радость, обидимым покровительнице и всем в бедах и напастех сущим скорое поможение и заступление! Помози, о Мати Божия, и нам, грешным, в скорби нашей, возвесели радостию сердца людей Твоих, управи в мире и тишине жизнь нашу и не даждь нам во отчаяние впасти. Ты бо едина еси паче всех святых и паче всех горних умов предстательница наша к Богу, яко Всеблагаго Царя Благая Мати. Темже мы, грешнии, на пречистый Твой образ знамения взирающе, умиленно преклоняем колена и, благоговейно лобызающе, молим Тя, Благосердая Мати: не отрини смиреннаго моления нашего и яви нам знамение милости Твоея, никтоже бо, к Тебе прибегая со упованием, исходит от Тебе посрамлен, но просит благодати и приемлет дар к полезному прошению, прославляя Сына Твоего и Бога, и Тебе с Ним, во веки веков. Аминь.
Тропарь, глас 4-й
Яко звезда пресветлая возсия в Российстей земли: от иконы честнаго образа Твоего, Богородице Дево, из обою очию текоша слезы Твоя, яко река, и видевше народи псковстии, мужи и жены и со чады, с плачем молящеся образу Твоему, сице глаголаху: о Пресвятая Владычице Богородице, не забуди грешных раб Твоих, молящихся Христу Богу нашему спастися нам.
Икона Божьей Матери «Неупиваемая чаша»
Икона представляет собой иконографическое развитие древнейшего образа Оранты.
Как и на старинных иконах, Богоматерь изображена с молитвенно воздетыми к небу руками, на уровне груди Пречистой Девы помещено поясное изображение Спаса Эммануила. Но в отличие от канонического варианта Оранты образ благословляющего Спасителя изображен не в медальоне – лоне Богородицы, а в неиспиваемой чаше причащения, что символизирует даруемое при таинстве причащения благословение, которое не может кончиться или иметь границы. Голову Богородицы венчает корона, что говорит о малороссийском или западном происхождении данного образа.
По преданию, икона впервые явила свою чудотворную силу в 1878 г. отставному солдату Тульской губернии, отличавшемуся губительным пристрастием к алкоголю.
Когда у предававшегося постоянному пьянству солдата отказали ноги, ему привиделся старец, который повелел ему пойти в монастырь Владычицы Богородицы и отслужить молебен перед иконой «Неупиваемая чаша», после чего ему будет даровано исцеление.
Солдат посчитал, что ему показалось, но образ старца продолжал являться до тех пор, пока служивый не собрался идти в обитель. Однако сестры, которым и о рассказал своем видение солдат, не знали иконы с таким названием. После долгих поисков они догадались перевернуть одну из икон, висевших у входа в ризницу, и увидели надпись, свидетельствовавшую, что икона действительно имеет это название. После молебна солдат полностью излечился и перестал пить. Слава об иконе распространилась далеко за пределы Серпухова, где находился монастырь, и паломники со всех окрестных губерний и древней столицы поехали на поклонение чудотворной иконе, которая продолжала исцелять людей, даруя им здоровье и силы для излечения от своих пагубных пристрастий.
В конце 1920-х гг. икона была уничтожена, и только в 1990-е гг. были созданы ее списки, которые стали являть чудеса исцеления от нервных болезней, пьянства, наркомании, курения; отмечены также случаи исцеления от нервного тика и заикания.
Сегодня чудотворные списки иконы, прославленные своими неоднократными исцелениями от алкоголизма и наркомании, находятся во Введенском владычном женском монастыре и в Высоцком мужском монастыре (Серпухов).
Молитва первая
Царице наша Преблагая, Надеждо наша, Пресвятая Богородице, приятелеще сирых и странных Заступнице, бедствующих помоще и озлобленных Покрове. Зрише нашу беду, зрише нашу скорбь: отвсюду искушениями одержимы есмы, а заступающего несть. Ты убо Сама помози нам, яко немощны, окорми, яко странны, настави нас, яко заблудших, уврачуй и спаси нас, яко безнадежных. Не имамы иныя помощи, ни инаго предстательства, ни утешения, токмо Тебе, о Мати всех скорбных и обремененных. Призри на нас, грешных и во озлоблении сущих, покрый нас честным Твоим омофором. Да избавлени будем от зол, обышедших нас, наипаче же пианства. Да восхвалим всегда Пресвятое имя Твое. Аминь.
Молитва вторая
О, Премилосердая Владычице! К Твоему заступлению ныне прибегаем, молений наших не презри, но милостивно услыши нас: жен, детей, матерей и тяжким недугом пианства одержимых; и того ради от матере своея – церкви Христовой и спасения отпадающих, братьев и сестер и сродних наших исцели. О, Милостивая Мати Божия, коснися сердец их и скоро возстави от падений греховных, ко спасительному воздержанию приведи их. Умоли Сына Своего, Христа Бога нашего, да простит нам согрешения наша и не отвратит милости Своея от людей Своих, но да укрепит нас в трезвении и целомудрии. Приими, Пресвятая Богородице, молитвы матерей, о чадех своих слезы проливающих, жен, о мужех своих рыдающих, чад, сирых и убогих, заблуждшими оставленных, и всех нас, к иконе Твоей припадающих. И да приидет сей вопль наш, молитвами Твоими, ко Престолу Всевышняго. Покрый и соблюди нас от лукаваго ловления и всех козней вражиих, в страшный же час исхода нашего помози пройти непреткновенно воздушныя мытарства, молитвами Твоими избави нас вечнаго осуждения, да покроет нас милость Божия в нескончаемые веки веков. Аминь.
Акафист иконе
Читается перед иконой для исцеления от алкоголизма.
Кондак 1-й
Избранное и дивное избавление нам даровася – Твой образ честный, Владычице Богородице, яко избавлиеся явлением его от недугов душевных и телесных и скорбных обстояний, благодарственная хваления приносим Ти, Всемилостивая Заступнице. Ты же, Владычице, «Неупиваемою чашею» нами именуемая, приклонися благоутробно к нашим воздыханием и воплем сердечным и избавление подаждь страждущим недугом пианства, да с верою воззовем Ти:
Радуйся, Владычице, Неупиваемая Чаша, духовную жажду нашу утоляющая.
Икос 1-й
Ангельстии чини и праведников сонми непрестанно славят Тя, Царицу Богородицу, Ходатаицу о многогрешнем роде христианстем, погрязшем в беззаконии и пребывающем во гресех, ибо во утешение и спасение даруеши ему милость Свою чрез многоименуемыя чудотворныя иконы Твоя, ихже яко звезды небесныя по всей земли нашей зрим; к единому же из сих образов, «Неупиваемая чаша» именуемому, припадающе, из глубины сердца взываем Ти:
Радуйся, неприступнаго Божества селение;
Радуйся, непрестанное людей удивление.
Радуйся, скорбьми грехи наша очищающая;
Радуйся, печальми наша немощи врачующая.
Радуйся, милость Свою чрез чудотворныя иконы Твоя нам свыше посылающая;
Радуйся, явлением их скорбная сердца наша возвеселяющая.
Радуйся, пречудное всех с Богом примирение;
Радуйся, геенны вечныя избавление.
Радуйся, Владычице, Неупиваемая Чаша, духовную жажду нашу утоляющая.
Кондак 2-й
Видящи, Пресвятая Владычице, скорби сердечныя, муки душевныя, искреннее покаяние людей, одержимых губительным пороком пианства, благоволила еси явити богоспасаемому граду Серпухову милость Свою явлением пречуднаго образа Своего «Неупиваемая чаша», да вси к нему припадающе с верою и сокрушенным сердцем, получивше исцеление от тяжкаго недуга своего, из глубины души вопиют Богу: Аллилуиа.
Икос 2-й
Разумев трикратное явление преподобнаго Варлаама и повеление его в путь шествовати в богоспасаемый град Серпухов, человек некий, страстию пианства одержимый, обрете тамо в монастыре икону Твою святую, «Неупиваемая чаша» именуемую. Мы же, видяще таковое о нас, грешных, попечение, с благоговением вопием Ти:
Радуйся, чрез благочестивых людей славу чудес Твоих грешным открывающая;
Радуйся, Путеводительнице прозорливая, путь спасения им показующая.
Радуйся, Всеблагая наша Наставнице, любовию Твоею нас привлекающая;
Радуйся, за вся благодеяния Твоя благодарению нас научающая.
Радуйся, скорбь нашу в радость претворяющая;
Радуйся, несомненною надеждою нас увеселяющая.
Радуйся, губительныя страсти наша разрушающая;
Радуйся, благим намерением способствующая. Радуйся, Владычице, Неупиваемая Чаша, духовную жажду нашу утоляющая.
Кондак 3-й
Сила Вышняго и благодать Владычицы укрепляше некоего человека, страждущаго недугом пианства, егда он, нози разслаблене имуще, иде во град Серпухов, повеление Богоматере, чрез преподобнаго Варлаама реченное, исполняя. Пришед же во град сей, обрете икону Пречистыя Богоматере, абие исцеле от недуга своего, душевнаго и телеснаго, и из глубины души благодарственно воззва Богу: Аллилуиа.
Икос 3-й
Имуще источник неоскудеваемый, неупиваемую чашу небесных дарований, не токмо люди града Серпухова, но и вси православнии христианы иных градов и весей, притекающий к Твоему пречудному образу, «Неупиваемая чаша» именуемому, и пред сим получивше исцеление, припадающе, благодарными усты вопиют Ти:
Радуйся, купеле, в нейже вся скорби наша погружаются;
Радуйся, чаше, еюже радость спасения нашего восприемлем.
Радуйся, наша немощи, душевныя и телесныя, врачующая;
Радуйся, страсти наша силою молитв Твоих укрощающая.
Радуйся, коемуждо, во всякой потребе просящим, полезная дарующая;
Радуйся, бесчисленныя щедроты всем подающая.
Радуйся, милости сокровище нам открывающая;
Радуйся, милосердие к падшим являющая. Радуйся, Владычице, Неупиваемая Чаша, духовную жажду нашу утоляющая.
Кондак 4-й
Бурю внутрь имущии помышлений сумнительных, но с искренним покаянием притекающии к Твоему неизреченному милосердию, одержимии пианственною страстию, получают исцеление и из глубины сердца вопиют рожденному от Тебе Спасителю нашему: Аллилуиа.
Икос 4-й
Слыша Господь тяжкия скорби, вопли и плач жен, стариц, детей, сродницы коих обуреваеми суть пианственною страстию, даде им, Владычице, Твою икону, от неяже вси притекающии обретают утешение и радость духовную и вопиют Ти со слезами:
Радуйся, Агнице, рождшая Агнца, вземлющаго грехи мира;
Радуйся, Чаше, черплющая нам радость от источника безсмертия.
Радуйся, скорбных матерей утешение;
Радуйся, безнадежных Надеждо.
Радуйся, притекающих к Тебе благодатное охранение;
Радуйся, скорбящих отрадо и увеселение. Радуйся, волнение страсти пианства утишающая;
Радуйся, руку помощи Твоей требующим простирающая.
Радуйся, Владычице, Неупиваемая Чаша, духовную жажду нашу утоляющая.
Кондак 5-й
Яко боготечную звезду, честную икону Твою Ты нам показала еси, Владычице мира, юже мы зрище, с верою сердечною молящеся Тебе, Богородице, глаголем: исцели пианством и иною болезнию душевною и телесною страждущих, верных же научи воспевати хвалу Богу: Аллилуиа.
Икос 5-й
Видяще чудеса преславная и знамения пречудныя, бываемая не токмо от иконы Твоей, Богомати, во граде Серпухове явленныя, но и от по подобию сея иконы списанных изображений, припадающе к ним, смиренно вопием Ти:
Радуйся, скоропредстательная Помощнице усердно к Тебе притекающих;
Радуйся, благосердная Услышательнице молений наших.
Радуйся, град Серпухов благословением Твоим осенившая;
Радуйся, в пределех московских славу чудес Твоих показавшая.
Радуйся, всем требующим сокровище исцелений неоскудное;
Радуйся, в трезвении благоподвизающихся всемощная Покровительнице.
Радуйся, ведущим брань противу мира плоти, диавола и пианства добрая Споспешнице;
Радуйся, в мире благочестно живущих усердная Заступнице.
Радуйся, Владычице, Неупиваемая Чаша, духовную жажду нашу утоляющая.
Кондак 6-й
Проповедающе чудеса Твоя, Богородительнице, от иконы Твоея «Неупиваемая чаша» именуемыя, бываемая, молим Тя, Пречистая, со слезами: избави всех нас от виннаго пристрастия и от падения греховнаго, научи нас воздержанию, подвизающи воспевати Богу: Аллилуиа.
Икос 6-й
Возсияла еси в светлости Божественныя славы, Дево Богоотроковице, на Младенца, Превечнаго Бога, Господа нашего Иисуса Христа, зрящи. Иже в сосуде, аки в неупиваемой чаше, предстоит, якоже Тя видим изображенную на иконе Твоей, «Неупиваемая чаша» таинственно пронареченней, от неяже избавление от пианственныя страсти притекающим с верою даруеши, сего ради со слезами приносим Тебе гласы немолчныя сице:
Радуйся, яко о Тебе радуется и торжествует ангельский собор и человеческий род;
Радуйся, яко Твоя слава превосходит похвалы земныя и небесныя.
Радуйся, таинственным изображением Сына в сосуде Тайну Божественныя евхаристии нам открывающая;
Радуйся, рожденнаго Тобою Агнца, всегда ядо-маго и никогдаже иждиваемаго, нам дивно указующая.
Радуйся, чаше жизни и безсмертия, ко вратам вечныя жизни нас приводящая;
Радуйся, источником нетления и радости жаждущия души напояющая.
Радуйся, несчетною благостию не оставляющая самых презренных и отверженных;
Радуйся, от рова погибели милосердием Твоим исхищающая безнадежных.
Радуйся, Владычице, Неупиваемая Чаша, духовную жажду нашу утоляющая.
Кондак 7-й
Хотя человек некий возблагодарити Тя, Владычице, за исцеление от недуга пианства, украси Твою пречудную икону, Богомати, во граде Серпухове пребывающую, из глубины сердца воспевая Богу: Аллилуиа.
Икос 7-й
Новое чудо видим, Владычице, от иконы Твоея святыя: страждущий бо недугом пианства некий раб Божий Стефан, прибегая к Твоему Матернему предстательству, от тяжкаго недуга своего избавися и благодаряще Тя, благолепными дары икону Твою украси, и припадающе к ней, со слезами возопи Тебе тако:
Радуйся, Живоносный Источниче исцелений; Радуйся, чаше небесная Божественных дарований.
Радуйся, реко исцелений приснотекущая; Радуйся, море, вся наша страсти потопляющее. Радуйся, под тяжестию греха пианства падающих матернима рукама Твоима возставляющая;
Радуйся, благодарственныя дары не отвергающая.
Радуйся, сердца благочестивых людей возвеселяющая;
Радуйся, вся благая прошения наша исполняющая.
Радуйся, Владычице, Неупиваемая Чаша, духовную жажду нашу утоляющая.
Кондак 8-й
Странно и сумнительно неверующим слышати, како икона Твоя святая «Неупиваемая чаша» Божественных исцелений источает чудо. Мы же, верующие слову Твоему, Владычице, реченному к первописанней Твоей иконе: «Благодать Рождшагося от Мене и Моя с сею иконою да будет», – веруем, яко и сия икона Твоя благодать Твою источает. Темже благоговейно покланяющеся, лобызаем ю, вопиюще Богу: Аллилуиа.
Икос 8-й
Все упование людие, страждущии недугом пианства, на Тя, Владычице, возлагают. Приклонися к немощем и страстем нашим, кто бо нас, грешных, изведет от рова погибели и нищеты духовныя и телесныя, аще не Ты, Владычице; сего ради, приклонше колена пред Твоим пречистым образом, вопием Ти тако:
Радуйся, моления грешников не отвергающая;
Радуйся, призывающим Тя Свою небесную помощь ниспосылающая.
Радуйся, глубину милосердия Твоего грешным показующая;
Радуйся, отчаянных и безнадежных ободряющая.
Радуйся, одержимым страстию пианства руку помощи простирающая;
Радуйся, терпеливых страдальцев благодатными дары утешающая.
Радуйся, недуги наша, душевныя и телесныя, врачующая;
Радуйся, суетныя радости мира сего презирати нас научающая.
Радуйся, Владычице, Неупиваемая Чаша, духовную жажду нашу утоляющая.
Кондак 9-й
Всякое естество ангельское удивися делу Твоего милосердия, Господи, яко даровал еси грешному роду человеческому твердую Заступницу и Помощницу, к нашим немощем приклоняющуюся и от горькаго недуга пианства свобождающую, верныя же научающую пети Богу: Аллилуиа.
Икос 9-й
Ветии человечестии недоумеют восхвалити по достоянию славное, Владычице, иконы Твоея явление, ниже мы, грешнии, от скверных устен наших возможем принести достойное похваление Заступнице нашей. Обаче неисчетная чудеса, иконою Твоею являемая, видевше, душею и сердцем радующеся, Тебе глаголем:
Радуйся, от священнаго лика Твоего чудеса источающая;
Радуйся, от бед и скорбей скоро избавляющая. Радуйся, отвергающих Тя посрамляющая;
Радуйся, от всякаго зла прибегающих к Тебе сохраняющая.
Радуйся, кротким сиянием Твоим мрак греха и мглу страстей наших разгоняющая;
Радуйся, души наша любовию к Тебе и Сыну Твоему исполняющая.
Радуйся, на стезю покаяния нас премудре наставляющая;
Радуйся, добраго ответа пред Судиею Праведным нам усердная Ходатаице.
Радуйся, Владычице, Неупиваемая Чаша, духовную жажду нашу утоляющая.
Кондак 10-й
Спасти хотя многия страждущия недугом пианства, чудную икону Твою, Богомати, даровала еси, да вси, одержимии сею страстию, к чудотворному образу Твоему притекают и, получивше исцеление, во умилении взывают Богу: Аллилуиа.
Икос 10-й
Стена еси и щит, Богомати, людем, страждущим недугом пианства, и всем, усердно к Тебе притекающим и икону Твою святую благоговейно чтущим. Ибо сию дарова нам благих Податель Господь в помощь и врачевство от губительныя страсти, и сим внушает нам пети Тебе:
Радуйся, отчаянных Надеждо и печалей наших утоление;
Радуйся, болезней душевных и телесных исцеление.
Радуйся, нашу скверну чистотою Твоею очищающая;
Радуйся, Своею благодатию наше недостоинство просвещающая.
Радуйся, брение наше тленное в нетление облекающая;
Радуйся, моления наша Твоим предстательством подкрепляющая.
Радуйся, в неможении нашем нас утверждающая;
Радуйся, облегающий нас облак страстей скоро разгоняющая.
Радуйся, Владычице, Неупиваемая Чаша, духовную жажду нашу утоляющая.
Кондак 11-й
Пение наше смиренное, от полноты любви и усердия Тебе приносимое, не презри, Чистая, и не отврати от отчаявшихся и страждущих недугом пианства лика Своего, но помози им и нам очиститися от всякия скверны греховныя, да возможем достойно и праведно пети Богу: Аллилуиа.
Икос 11-й
Светоприемную свещу зрим Тя, Пресвятая Дево, ибо образ Твой святый лучами благодати Твоей мглу греховную прогоняет и на светлую стезю добродетелей наставляет с верою зовущих Ти таковая:
Радуйся, заступлением Твоим от суеты мира сего многомятежнаго нас избавляющая;
Радуйся, приражения страстей плотских отражати нам помогающая.
Радуйся, мысль благу в сердце наше полагающая;
Радуйся, нечистую совесть нашу просвещающая.
Радуйся, от мучительнаго недуга пианства страждущих избавляющая;
Радуйся, к искреннему покаянию и вразумлению призывающая.
Радуйся, души всех озлобленных умягчающая;
Радуйся, на помощь Тя призывающих и имя Твое славящих спасающая.
Радуйся, Владычице, Неупиваемая Чаша, духовную жажду нашу утоляющая.
Кондак 12-й
Благодать Божия, присущая иконе Твоей, «Неупиваемая чаша» именуемой, влечет к ней, Владычице, всех скорбящих, обездоленных, вдов и стариц, а наипаче же всех страждущих недугом пианства, и не тщетни отходят, Пречистая, от неупиваемыя чаши Твоих Божественных дарований, но, неоскудно получая цельбы чудотворнаго образа Твоего, Всеблагая, благодарственно поют Богу: Аллилуиа.
Икос 12-й
Поюще Твоя чудеса и велию милость, людем, одержимым страстию пианства, явленныя, молим Тя, Владычице, спаси и помилуй, и настави нас на стезю праву, и не остави нас, покрова Твоего ищущих и зовущих Ти:
Радуйся, воздержанию от греха пианства всех подвизающая;
Радуйся, от пристрастия к вину росою милости Твоея свобождающая.
Радуйся, страждущих от тяжкаго греха пианства присное врачевание;
Радуйся, бедствующим в страстех скорая Помощнице.
Радуйся, малодушых дивное ободрение;
Радуйся, благодушных велия радосте.
Радуйся, радуйся, гордых смиряющая;
Радуйся, смиренныя возвышающая и всем спасения желающая.
Радуйся, Владычице, Неупиваемая Чаша, духовную жажду нашу утоляющая.
Кондак 13– й
О, Премилостивая Мати Сладчайшаго Господа нашего Иисуса Христа! Нынешнее наше услыши моление и избави нас от всех недугов, душевных и телесных, наипаче же свободи страждущих недугом пианства рабов Твоих (имена их), да не во зле погибнут, но да спасеннии Тобою присно вопиют Богу: Аллилуиа.
Этот кондак читается трижды, затем 1-й икос «Ангельские чини…» и 1-й кондак «Избранное и дивное…»