ихъ многажды73. Ханъ же езди на людех74, а слоновъ у него и коний много добрых. А люде у него много хорозанцевъ75. А привозятъ их76 изъ Хоросаньскыя земли, а иныя из Орабаньскыя земли, а иныя ис Тукърмескыя земли, а иныя ис Чеготаньскыя земли77, а привозить все моремъ в тавах – Индѣйскыя земли корабли.
л. 373
Во Индѣйской же земли кони ся у нихъ не родят, въ их земли родятся волы да буволы, на тѣх же ѣздѣть и товаръ иное возить, все дѣлаютъ. И язъ грѣшный привезлъ жеребьца в ЬІндѣйскую || землю, дошел есми до Чюнеря богъ дал поздорову все, а стал ми сто рублевъ78. Зима же у них стала с Троицина дни79. А зимовали есмя в Чюнѣйрѣ, жили есмя два мѣсяца; ежедень и нощь 4 мѣсяца, а всюда вода да грязь. В тѣ же дни у них орють да сѣютъ пшеницу, да тутурганъ, да ногут, да все съястное. Вино же у нихъ чинятъ в великы орѣсех – кози гундустаньскаа, а брагу чинят в татну80. Кони кормить нохотом, да варять кичирисъа[1123] с сахаромъ да кормить кони да с масломъ, порану же даютъ шьшени.
Чюнеръ же град есть на острову на каменомъ, не дѣланъ ничим, богомь сътворенъ; а ходить на гору день82 по единому человѣку, дорога тѣсна, пойти нелзя.
л. 373 об.
Во Индѣйской земли гости ся ставятъ по подворьемъ, а ѣсти варять на гости господарыни83, и постелю стелють, и спять с гостьми. ||Сикишь илересънь ду житель берсень, достурь авратъ чектуръ, а сикишь муфутъ; а любятъ бѣлых людей.
Зимѣ же у них ходятъ люди фота на бедрах, а другаа на плещем, а третья на головѣ. А князи и бояря тогда въздевають на собя порткы, да сорочицу, да кавтанъа[1124], да фота по плечемъ, да другою ся опояшеть, а третьею фотою главу обертить; а се оло, оло абрь, оло акъ, оло керимъ, оло рагымъб[1125].
л. 374
Махмета, да пойди в Густаньскую землю. А в томъ Чюнерѣ ханъ у меня взял жерепца, а увѣдал, что яз не бесерменинъ, русинъ. И онъ молвит: «И жерепца дам, да тысячю золотых85 дам, а стань в вѣру нашу в Махмѣт дени. А не станешь в вѣру нашу в Махмет дени, и жерепца возму и тысячю золотых на главѣ твоей возму». А срокъ учинил на 4 дни, въ говѣйно Успении на Спасовъ день86. И господь богъ смиловася на свой честный праздникъ, не отстави от меня милости своея грѣшнаго, и не по||велѣ погыбнути в Чюнерѣ с нечестивыми. И канун Спасова дни приѣхал хозяйочи Махмет хоросанець87, билъ есми челомъ ему, чтобы ся о мнѣ печаловалъ; и он ѣздилъ к хану в город, да мене отпросил, чтобы мя в вѣру не поставили, да и жерепца моего у него взялъ. Таково господарево чюдо на Спасовъ день! аИно, братьяб[1126]русьстии християне, кто хочеть пойти в Ындѣйскую землю, и ты остави вѣру свою на Руси, да въскликнув[1127]
Мене залгали псы бесерменаг[1128], а сказывали всего много нашего товару, ано нѣтъ ничего на нашу землю; все товаръ бѣло на бесермьньскую землю: перець да краска88, то дешево; ино возят аче моремъ, иныи пошлины не дають89. А люди иные намъ провести пошлины не дадут, и пошлины много, а разбойников на море много, а розбивають все кофары90, ни кристияне, ни бесерьмена, а молятся каменнымъ болваномъ, а Христа не знають.
л. 374 об.
А ис Чюнеря есмя вышли || на Успение Пречистые к Бедерю к большему их граду91. А шли есмя мѣсяцъ; а от Бедеря до Кулонкеря92 5 дний, а от Кулонгеря до Кельбергу93 5 дни. Промежю тѣхъ великых градовъ много градовъ; на всякъ день по три грады, а на иной день и 4 грады, колко ковъвъа[1129], толко градов. А от Чювиля до Чюнейря 20 кововъ, а от Чюнеря до Бедеря 40 кововъ, а от Бедеря до Колуньгеря 9 кововъ, а от Бедеря до Колубергу 9 ковов.
В Бедери же торгъ на кони, да на товаръ, да камкы95, на шелкъ, и на всякой иной товаръ, да купити в нем люди черныя, а иныя в немъ купли нѣтъ. Да все товаръ их гундостаньской, да соястной все овощь, а на Русьскую землю товара нѣтъ. А все черныя, а все злодѣи, ажонки все бляди, да вѣдьб[1130], да тать, да ложь, да зельи господаря морять.
л. 375
Во Индѣйской земли княжать все хоросанци, и бояре все хоросанци, а гу||ндустанци все пѣшиходыа[1131], а ходят борзо, а все нагы да босы, да щитъ в руцѣ, а в другой мечь, а иныя слугы с великими с прямимы лукы да стрелами. А бой их все слоны, да пѣшихъ пускають наперед, хоросанци на конехъб[1132], да в доспѣсехъ и кони и сами; а къ слономъ вяжуть к рылу да к зубомъ великия мечи по кендарюв[1133]96 кованы, да оболочат ихъ в доспѣхъ булатный, да на них учинены городъкы, да в горотъкѣ по 12 человѣкъ в доспѣсех, да все с пушками да стрелами.
л. 375 об.
Есть у них одно мѣсто шихбъ Алудинъ пиръ атыръ, бозаръ Алядинандъ98. На год единъ бозаръ; съѣждается вся страна Индѣйская торговати, да торгуютъ 10 дний; от Бедеря 12 кововъ. Приводятъ коней до 20 тысящь продаютъ, всякый товаръ свозять; во Гондустаньской земли той торгъ лучший, веяный товаръ продаютъ, купятъ || на память шиха Аладина, на руськый праздникъ на Покровъ святыя Богородица».
л. 376
Есть в томъ Алянде и птица гукукъ, летаетъ ночи, а кличетъ «гукукъ»а[1134]100; а на которой хороминѣ сѣдить, то тут человѣкъ умретъ, а къто ея хочетъ убити, ино у нея изо рта огнь выйдетъ. А мамонъ ходят ночи, да имають куры, а живутъ в горѣ или в каменье101. А обезьяны, то тѣ живутъ по лесу. Да у них есть князь обезьяньскый, да ходить ратию своею102. Да кто их заимаеть, и они ся жалуютъ князю своему, и онъ посылаетъ на того свою рать, и они, пришедъ на град, и дворы разволяютьб[1135], и людей побьютъ. А рати ихъ, сказываютъ, велми много, и языкы их есть свой, а детей родятъ много; да которой родится не в отца, не в матерь ини тѣх мечють по дорогамъ. Ины гондустанци тѣх имают да учатъ их всякому рукодѣлью, а иных прода||ютъ ночи, чтобы взадъ не знали побѣжати, а иных учат базы миканетъ.
Весна же у них стала с Покрова святыя Богородица; а празднуютъ шиху Аладину и веснѣ двѣ недѣли по Покровѣ, а празднуютъ 8 дни; а весну держать 3 мѣсяца, а лѣто 3 мѣсяца, а зиму 3 мѣсяца, а осень 3 мѣсяца.
л. 376
В Бедери же их столъ Гундустану бесерменьскому. А град есть великъ, а людей много велми, а салтан велика[1136]103 – 20 лѣт, а держать бояре, а княжатб[1137] фарасанци, а воюютъв[1138] все хоросанци. Есть хоросанець меликтучаръг[1139] бояринъ, ино у него ратид[1140] двѣсте тысячъ, а у Меликхана 100 тысячъ, а у Харатхана 20 тысяч104, а много тѣх хановъ по 10 тысячь рати. А с салтаном выходят 300 тысяч рати своей. А земля людна велми, а сельскыя люди голы велми. А бояре силны добрѣ и пышны велми, а все их носятъ на кровати своеих на сребряных; да пред нимие[1141] водят кони об. въ снастех || золотых до 20; а на конехъ за нимиа[1142] 300 человѣкъ, а иѣших 500 человѣкъ, да трубниковъ 10, да нагарниковъ 10 человѣкъ, да свирѣлниковъ 10 человѣкъ. Султан же выещаеть на потѣху с матерью да с женою, ино с ним человѣковъ на конех 10 тысящ, а пѣших 50 тысящь, а слоновъ водят 200 наряженых в доспѣсѣх золочоных, да пред ним 100 человѣкъ трубниковъ, да плясцевъ 100 человѣкъ, да коней простых 300 въ снастех золотых, да обезьянъ за ним 100, да блядей 100, а все гаурыкы.
л. 377
В султанов же дворъ 7‑ры ворота, а в воротѣх сѣдят по 100 сторожевъ да по 100 писцевъ кофаровъ; кто пойдетъ, ини записываютъ, а кто выйдет, ини записываютъ; а гариповъ не пускаютъ въ град. А дворъ же его чюденъ велми, все на вырезѣ да на золотѣ, и послѣдний камень вырѣзанъ да золотомъ описанъ велми чюдно; да во дворѣ у него || суды розныя.
Город же Бедеръ стерегутъ в нощи тысяча человѣкъ кутоваловых100, а ѣздятъ на конех да в доспѣсех, да у всѣх по свѣтычю. А яз жерепца своего продал в Бедери, да наложилъ есми у негоа[1143] 60 да и 8 футуновъ107, а кормилъ есми его годъ. В Бедери же змии ходят по улицам, а длина ея двѣ сажени. Приидох же в Бедеръ о заговейнѣ о Филиповѣ ис Кулонгѣря и продах жеребца своего о Рожествѣ108. И тут бых до Великого заговейна109 в Бедери, и познася со многыми индѣяны, и сказах имъ вѣру свою, что есми не бесерменинъ, исаядениени есмь, християнинъ, а имя ми Офонасей, а бесерменьское имя хозя Исуфъ Хоросани110