господарю наияснейшему Жикгимонту королю, и к сыну его королевское милости к королевичу наияснейшему Владиславу Жикгимонтовичу, чтоб наияснейший государь Жикгимонт король пожаловал их, дал на Владимерское и Московское государьство и на все великие Росийские государства сына своего наияснейшего Владислава королевича; о чем святейший Гермоген патриарх Московский и всея Руси, и митрополиты, и архиепископы, и епископы, и архимандриты, и игумены и весь освященный собор Бога молят, и господаря Владислава королевича на Росийское государство хотят с радостью. А все бояре, и окольничие, и дворяне, и дьяки думные, и столники, и дворяне, и стряпчие, и жилцы, и головы стрелецкие, и дворяне из городов, и приказные люди, и дети боярские, и гости и торговые люди, стрелцы, и козаки, и пушкары, и всех чинов служилые и жилецкие люди Московского государства наияснейшему государу Владиславу королевичу и потомкам его целовати светый и животворащий крест Господень на том: что им ему государу и потомком его во веки служить и добра хотети во всем, как и прежним прирожденным великим государям царям и великим князьям всея Руси; а лиха ему государу и потомству его не хотети, ни думати, ни мыслити, и иного никого из Московского государства, из иных государств на Московское государство, опрычь государя Владислава королевича, не хотети. А ему государу по которой мере быть на Росийском государьстве, и о том бояре князь Федор Иванович Мстиславский с товарищи дали мне гетману по статьям писмо, и я, гетман, по тому писму о всех статьях с бояры говорил; и о которых статьях я гетман с бояры договор учинили и постановили, и на те статьи дал я боярам, князю Федору Ивановичу с товарищи сюю запись и утвердил своею рукою и печатью, и крест целовали я, гетман, и все полковники и ротмистры за великого государя нашего Жикгимонта короля, и за его сына за великого государа королевича Владислава Жикгимонтовича, и за великие государства за корону Полскую и за великое князство Литовское, и за себя и за всю рать, которая с королем его милостью и со мною гетманом, на том: как благословить Бог и Пречистая Богородица, и великие чудотворцы московские Петр и Алексей, Иона и вси светые, а великий государь наш Жикгимонт король пожалует на Владимерское и на Московское и на все великие государьства росийские сына своего королевича Владислава Жикгимонтовича, и государю королевичу Владиславу Жикгимонтовичу, коли он государь придет в столный город Москву, венчатися на Владимерское и на Московское и на все великие и преславные государства росийские царским венцем и диадемою, от святейшего Гермогена патриарха Московского и ото всего освященного собора греческое веры, по прежнему обычаю и достоянию, як прежние великие государи московские венчалися. А будучи государю королевичу Владиславу Жикгимонтовичу на Росийском государстве, церкви Божьи на Москве и по всем городам и по селам во всем Московском государстве чтити и украшати во всем по прежнему обычаю, и от разоренья всякого оберегати, и светлым Божьим иконам и Пречистое Богородицы и всем светлым чудотворным мощем покланятися почитати, и святительскому и свещенническому и иноческому чину и всем православным христианам быти в православной христианской вере греческого закона по-прежнему, и римской веры и иных разных вер костелов и всяких иных вер молебных храмов в Московском государстве и по городам и по селам нигде не ставити; а чтоб в стольном городе на Москве хотя один римский костел быти мог для людей полских и литовских, которые при государе королевиче его милости мешкати будут, о том государю его милости с патриархом и всем духовным чином и с бояры и всеми думными людми намова быти мает, и христианское православное веры греческого закона ничем не рушить и не бесчестить, и иных никаких вер не вводити, чтоб святая православная христианская вера греческого закону имела свою целость и красоту по-прежнему; и Росийского государьства людей православных христиан от греческой веры в римскую и ни в которую иную веру силою и нужею и иными никакими мерами не отводити; и жидом в Росийское во все государьство с торгом и ни с которыми иными делы не ездити; целбоносные гробы и мощи святых государю королевичу Владиславу Жикгимонтовичу мети в великой чести; а святейшего Гермогена патриарха Московского, и митрополитов, и архиепископов, и епископов, архимандритов, игуменов, попов и дьяконов, и священнический и иноческий чин, и весь освященный собор христианское православное веры греческого закону чтити и беречь во всем, и в духовные всякие светительские дела не вступатися, и иных вер, опричь греческое веры, в духовной чин не поставляти. А что дано церквам Божьим и в манастыри отчины или угоден, и что шло при прежних государех ружного хлеба и денег и всяких угоден, и того данья всех прежних государей московских и боярского и всяких людей данья y церквей Божьих и у монастырей не отнимати, быти всему по-прежнему, ни в чем не нарушаючи; и церковных всяких и монастырских чинов ни в чем не рушити, и ружные всякие оброки церковные и монастырские, которым преж сего давано из государское казны, то все давати по-прежнему из государское казны; и милости ради великого Бога к церквам и монастырям всякого наданья прибавливати. Боярам, и околничьим, и дворянам, и дьякам думным, и чашникам, и столникам, и стряпчим, и дьяком, и приказным всяким людем во всех приказех у всяких государственных и у земских росправных дел, и по городом воеводам и дьяком и всяким приказным людем и всяким чином быти по-прежнему, как повелось в Московском государстве при прежних великих государех; а полским и литовским людем на Москве ни у каких земских росправных дел, и по городом в воеводах и в приказных людех не быть, и в намесничество и в староство городов полским и литовским людем не давать; а чтоб обоих государьств думою быть и полским и литовским людем в приказех на порубежных городех до достаточного успокоенья того государьства, о том государь его милость приговор учинит с бояры думными на часе своем, ведь же вся земля про ту статью государю его милости челом бьют, чтоб того не было, опричь дела. А которые полские и литовские люди будут при государу королевичу, и тех государу королевичу его милости устроити и пожаловати денежным жалованьем и поместьем, по их достоинству кто чего достоен. Московского государьства бояр, и околничьих, и дворян, и дьяков думных, и столников, и дворян, и стряпчых, и дьяков, и жилцов и дворян из городов, и голов стрелецких, и всяких приказных людей, и детей боярских, и гостей и торговых людей, и стрелцов, и козаков, и пушкарей, и всех чинов служилых и жилецких людей Росийского государьства мети государу его милости всих по достоинству, в чести и в жалованью и в милости, как было при прежних великих государех московских; и прежних обычаев и чинов, которые были в Московском государьстве, не переменять; и московских княженецких и боярских родов приезжими иноземцы в отечестве и в чести не теснити и не понижати. А жалованье денежное, оброки и поместья и отчины, кто что имел до сих мест, и тому быти по-прежнему; и родителских отчин ни у кого не отымати, и вперед всяких людей Росийского государьства жаловати, смотра по службе и кто чего достоен. Иноземцев всяких, которые выезжали с разных государьств к прежним московским государем, жаловати по-прежнему, и оброков и поместей и отчин у них не отнимати; бояром, и дворяном, и столником, и стряпчым и детем боярским, и всем приказным служилым людям государьское жалованье велети давати из четверти по всякий год, по прежнему обычаю. А будет что кому прибавлено отчин и поместий и денежных оброков не по их достоинству или будет у которых убавлено без вины, о том государу его милости советовати и думати с бояри и думными людми; и як государь его милость приговорит с бояры, по тому так и учинить, яко достоин. А которые дворяне и дети боярские государское жалованье берут за городом, и тем жалованье давати, як преж сего бывало при прежних государех; на Москве и в городех ружником и оброчником, которым при прежних великих государех для их службы жалованье давали, и тем давати жалованье денежное и хлебное из государской казны по-прежнему. На Москве и погородом суду быти и совершатися по прежнему обычаю и по судебнику Росийского государства; а будет похотят в чем пополнити для укрепленья судов, и государу на то поволити, с думой бояр и всей земли, чтоб было все праведно. Великому государю наияснейшему Жикгимонту королю Полскому и великому князю Литовскому, и его государствам короне Полской и великому княжеству Литовскому быти с великим государем королевичем Владиславом Жикгимонтовичом и со всеми государствы росийскими в миру, в дружбе, в любви навеки неподвижно, и промеж себе рати и воины не вщынати ниякими делы; а которие недруги толко похотят наступать на росийские государьства, или на королевство Полское и на великое княжество Литовское, и против тех всех недругов стояти обоими государствы заодно. На татарских украинах толко надобно будет держати обоих государьств ратных людей, и як будет государь королевич на Московском государьстве, и о том, говора с бояры, сошлется с великим государем его милостью Жикгимонтом королем, як тому делу пригоже с обе стороны быти. Умышленьем нияким, ни засылкою шкоты ниякое и убивства над людьми Московского государьства не делати, и дворов и животов и иного ничего у всяких людей не отнимати, и в Полску и в Литву и виные государства Московского государьства людей не розсылати, и из Полски и из Литвы на их месте никаких людей не приводити; и жен и детей ничьих не позорити ни в чем, и в полон не имати и не ссылати, и с женами и с детьми никого не розводити. А кто винен будет, которого чину нибудь, и казни будет достоен в государских и в земских делех, того по вине его казнити, осудивши наперед с бояры и с думными людми; а жены, дети, братья, которые того дела не делали и не ведали и не хотели, тех не казнити, и быти им во всем по-прежнему, и отчин и поместей и животов и дворов у них не отнимати; а не сыскавши вины и не осудивши судом всеми бояри, никого не казнити, и чести ни у кого не отнимати, и в заточенье не засылати, поместий, отчин и дворов не отнимати. А кто бездетен умрет, и то все, что останется, отдавати ближним его или кому прикажет. А все то делати государу, с приговором и советом бояр и всех думных людей; а без думы и приговору таких дел не совершати. Як ростригу убили всем Московским государьством, и в ту пору на Москве многие руские люди побиты от полских и литовских людей, а от руских людей так же побиты полские и литовские люди, и того дела ныне и вперед не вщынати и не мстити с обеих сторон. А которые полские и литовские люди, полковники, и ротмистры, и шляхта и всякие люди были в полону в Московском государстве, и те с Московского государьства отданы мне гетману без выкупу; а которые полские и литовские люди осталися еще в Московском государьстве, а взяты в нынешнюю ж смуту, и тех сыскавши с Московского государьства отпустити в Полску и в Литву без выкупу ж, а которые дворяне, и дети боярские, и стрелцы, и козаки, и пугакары, и всякие служилые и неслужилые люди, и дворянские, и детей боярских, и стрелцов, и козаков, и пушкарей, и всяких служилых и неслужилых людей матери, сестры, жены, дети и всякие люди