ства украшенная! Молим тя, святая мученице, буди о нас печальница ко Христу Богу, Его же преблаженнейшим зрением присно веселитися: моли Всемилостиваго, Его же словом очи слепым отверзе, да избавит нас от болезни очес наших, телесных вкупе и душевных; разжени твоими святыми молитвами темный мрак, прибывший от грехов наших, испроси у Отца Света свет благодати душевным и телесным очесем нашим; просвети нас, омраченных грехми, светом Божия благодати, да твоих ради святых молитв дастся безочесным сладкое зрение. О, великая угодница Божия! О, мужественнейшая дево! О, молящихся тебе, и якоже древле боримии от плоти целительницу тя\'имеяху, по дарованней тебе от Бога благодати, сице и ныне прибегающим ко предстательству твоему подаждь отраду и освобождение от плотския брани, и целомудренное житие, и незазорное в супружестве и девстве пребывание твоими благоприятными молитвами всеми исходатайствовати потщися, яко да телеса наша храм живущаго в нас Святаго Духа будут. О, преизбранная в женах и верная рабо Христова! Помози нам, да не погибнем со страстьми и похотьми нашими, но да управимся умом нашим и укрепимся сердцем нашим во всяком благочестии и чистоте, славяще твою помощь и предстательство, благодать же и милость Триединаго Бога, Отца и Сына и Святаго Духа во веки веков. Аминь.
При порче детей и об исцелении от «родимца» Великомученику Никите
Тропарь, глас 4-й
Крест Христов яко некое оружие усердно восприим, и к борению врагов притекл еси, и за Христа пострадав, посреди огня священную твою душу Господу предал еси, отонудуже и даров исцеление от Него сподобился еси прияти, великомучениче Никито, моли Христа Бога, спастися душам нашим.Кондак, глас 2-й Прелести посек державу стоянием твоим, и победы приим венец во страдальчествех твоих, со Ангелы славнее радуешися Никито тезоимените, с нами Христа Бога моля непрестанно о всех нас.
Молитва О, великий страстотерпче Христов и чудотворче, великомучениче Никито! припадающе ко святому и чудотворному образу твоему, подвиги же и чудеса твоя и многое сострадание твое к людем прославляюще, молим тя прилежно: яви нам свиренным и грешным святое и многомощное твое заступление. Се бо, грех ради наших, не имамы свободы чад Божиих, еже о потребах наших Господа и Владыку нашего дерзновенно просити: но тебе молитвенника к Нему благоприятнаго предлагаем и о твоем предстательстве взываем: испроси нам у Господа благопотребныя дары душам и телесем нашим: веру правую, спасения надежду несомненную, любовь же ко всем нелицемерную, во искушениих мужество, в злостраданиих терпение, в молитвах постоянство, душ и телес здравие, земли плодоносие, воздуха благорастворение, житейских потреб довольство, мирное и благочестное на земли житие, христианскую жития кончину и добрый ответ на Страшнем Суде Христове. И всем людем православным яви твое святое заступление: болящия исцели, скорбящия утеши, бедствующим помози. Ей, угодниче Божий и мучениче долготерпеливый! Не забуди святую обитель твою и вся живущия в ней и подвизающияся инокини же и мирския, но поспеши им во смирении и терпении носити иго Христово, и от всяких бед и искушений милостивне избави. Всех убо нас приведи в тихое пристанище спасения и наследники сподоби быти пресветлаго Царствия Христова святыми твоими молитвами: да славим и поем великия щедроты Отца и Сына и Святаго Духа в Троице славимаго и поклоняемаго Бога, и твое святое заступление во веки веков. Аминь.
При нарушении сна у младенцев
Молитва святым семи отрокам во Ефесе: Максимилиану, Иамвлиху, Мартиниану, Иоанну, Дионисию, Ексакустодиану и Антонину
О, пречуднии святии седмочисленнии отроцы, Ефеса града похвало и всея вселенныя упование! Воззрите с высоты небесныя славы на нас, любовию память вашу чтущих, наипаче же на младенцы христианския, вашему заступлению от родителей своих препорученныя: низведите на ня благословение Христа Бога, рекшаго: оставите детей приходить ко Мне: болящия убо в них исцелите, скорбящия утешите; сердца их в чистоте соблюдите, кротостию исполните я, и в земли сердец их зерно исповедания Божия насадите и укрепите, во еже от силы в силу им возрастити; и всех нас, святей иконе вашей предстоящих, мощи же ваша с верою лобызающих и тепле вам молящихся, сподобите Царствие Небесное улучити и немолчными гласы радования тамо прославляти великолепое имя Пресвятыя Троицы, Отца и Сына и Святаго Духа во веки веков. Аминь.
О том же молятся Ангелу Хранителю младенца.Молитва ко святому мученику младенцу Гавриилу Белостокскому о здравии и спасении младенцев
Младенческагонезлобия хранителю и мученическаго мужества носителю, Гаврииле блаженне, страны нашея адаманте драгоценный и иудейскаго нечестия обличителю! К тебе мы, грешнии, молитвенно прибегаем, и о гресех наших сокрушающеся, малодушия же нашего стыдящеся, любовию зовем ти: наших скверн не возгнушайся, чистоты сый сокровище; нашего малодушия не омерзи, долготерпения учителю; но паче сих, немощи наша от небес видя, тех исуеление нам твоею подаждь молитвою, и твоея Христу верности подражателие нас быти научи.
Аще же не возможем крест искушений и злостраданий терпеливно понести, обаче и тогда милостивыя твоея помощи не лиши нас, угодниче Божий, но свободу и ослабу нам у Господа испроси. Таже и моляшияся и чадех своих матери услыши, здравию и спаснию младенцем от Господа податися умоляя. Несть таковаго жестокаго сердца, еже слышанием о муках тових, святый младенче, не умилится; аще же кроме сего умиленнаго воздыхания никоегоже благаго деяния принести возможем, обаче и таковым умиленным помыслом наша умы и сердца, блаженне, просветив, на исправление жития нашего благостию Божиею нас настави.
Вложи в нас о спасении души и о славе Божией ревность неустанную, и о часе смертнем память неусыпную хранити помози нам, наипаче же в смертнем успении нашем терзания демонская и помыслы отчаяния от душ наших предстательством твоим отжени, и сия упованием Божественнаго прощения испроси, во еже и в оный час, и ныне славити нам милосердие Отца и Сына и Святаго Духа, и твое крепкое заступление, во веки веков.Молитва ко святым семи отроком, иже во Ефесе
Об исцелении и утешении младенцев
О пречуднии святии седмочисленнии отроци, града Ефеса похвало и всея вселенныя упование! Воззрите с высоты небесныя славы на нас, любовию память вашу чтущих, наипаче же на младенцы христианския, вашему заступлению от родителей своих препорученныя, низведите на ны благословение Христа Бога, рекшаго: оставите детей приходити ко Мне; болящих убо в них, исцелите, скорбящия утешите, кротостию исполните я, и в земли сердец их зерно исповедания Божия насадите и укрепите, во еже от силы в силу им возрастати. И всех нас, святей иконе вашей предстоящих, мощи же вага с верою лобызающих и тепле вам молящихся, сподобите царствие небесное улучити и немолчными гласы радования тамо прославляти великолепое ия пресвятыя Троицы, Отца и Сына и Святаго Духа, во веки веков. Аминь.Молитва ко святому мученику Аврамию Болгарскому О здравии детей
Святый мучениче Авраамие, добрый воине Христа, Царя Небеснаго, в корбех и гнапастех преславный наш помощниче и защитниче! Ничтоже возможе отлучити тя от любве ко Господу Иисусу: ни лестная обещания благ временных, ни прещения, ни муки от злых врагов святешия Христовы веры. Ты, яко лев, изшел еси на брань противу волков мысленных, духов шдобы, подвигших на тя, ради добраго твоего исповедания, единоплеменный тебе народ болгаский и яко огненная стрела, тех поразил еси силою благодати Святаго Духа, и крепкия, яко смерть, любве твоея к Богу.
Аще и пролиял еси кровь твою за Христа Бога нашего, погубив временную жизнь, обаче бессмертною душею, яко орел, воспарил еси в горняя обители Отца нашего и тамо вечную жизнь, славу и блаженство неизреченное восприял еси, нам же нетлнныя мощи твоя, яко крин много ценный и благоуханный, оставил еси.
Веруем, страстотерпче святый, яко, предстоя со Ангелы и всеми святыми Престолу Славы Триипостаснаго Бога, усердныя и богопристныя возносиши молитвы о всей святей Христовой Церкви, и о православней стране российстей; и яко да верных рабов Его, в скорби и печали день и нощь вопиющих к Нему, многоболезненый вопль услышит и да изведет от погибели живот наш.
Веруем, преславный чудотворче, яко ты, силою всемогущаго Господа Иисуса Христа, чрез святыя мощи твоя, источаеши обильныя дары благодатныя помощи во спасение всем с верою к тебе притекающим, наипаче же испрашиваеши кончину с покаянием тебе чтущих, и благосердно помогаеши немощным младенцем, да вси единодушно прославяем несиповедимое величие благости Божия.
Темже верою и любовию ко святым мощем твоим припадающе, и благговейно оныя лобызающе, молим тя, добрый на небеси наш молитвенниче и заступниче: помогай нам, грешным и смиренным, твоими молитвами во всех скорбех, нуждахи обстояниих наших, сохраняй нас от всякаго зла и всякия напасти, наипаче же споспешествуй вечному спасению нашему и всех просящих от тебе помощи и заступления.
Ей, смиренно молим тя, угодниче Божий: моли Христа Бога нашего, да даст мир и тишину всем православным христианом и да отвратит от нас всякий гнев, на ны движимый, да избавит нас от сетей вражиих, томления во узах греха и мучений адовых, и да сподобит нас, недостойных, внити в вечный покой святых Его, идеже празднующих глас непрестанный и неизреченная сладость зрящих доброту лица Его, и тако возможем с тобою и со всеми святыми прославляти ицу Единосущную и Нераздельную, во веки веков. Аминь.Молитва о детях Воздыхание матери о своих детях
Боже! Создателю всех тварей, прилагая милость к милости, Ты соделал меня достойной быть матерью семейства; благость Твоя даровала мне детей, и я дерзаю сказать: они Твои дети! Потому что Ты даровал им бытие, оживотворил их душой безсмертной, возродил их крещением для жизни, сообразной с Твоей волей, усыновил их и принял в недра Церкви Своей, Господи! Сохрани их в благодатном состояни до конца жизни; сподоби их быть причастниками таинств Твоего завета; освящай Твоей истиной; да святится в них и через них святое имя Твое! Ниспосли мне твою благодатную помощь в их воспитании для славы имени Твоего и пользы ближнего! Подаждь мне для сей цели способы, терпение и силы! Научи меня насадить в их сердце корень истинной мудрости – страх Твой! Озари их светом управляющей вселенную Твоей Премудрости! Да возлюбят Тебя всей душой и помышлением своим; да прилепятся к тебе всем сердцем и во всю жизнь свою да трепещут слов Твоих! Даруй мне разум убедить их, что истинная жизнь состоит в соблюдении заповедей твоих; что труд, укрепляемый благочестием, доставляет в сей жизни безмятежное довольствие и в вечности – неизреченное блаженство. Открой им разумение Твоего закона! Да до конца дней своих действуют в чувстве вездеприсутствия Твоего! Насади в их сердце ужас и отвращение от всякого беззакония; да будут непорочными в путях твоих; да памятуют всегда, что Ты, Всеблагий Боже, ревнитель