Из нездравия во здравие претворяющи – сделав из больного здоровым (претворяти – превращать).
Стихиры (глас 2–й)
Высшую небес и чистшую светлостей солнечных, избавльшую нас от клятвы, Владычицу мира песньми почтим.
От многих моих грехов немощствует тело, немощстует и душа моя; к Тебе прибегаю, Благодатней, надеждо ненадежных, Ты ми помози.
Владычице и Мати Избавителя, приими моление недостойных раб Твоих, да ходатайствуеши к Рождшемуся от Тебе; Владычице мира, буди Ходатаица!
Поем прилежно Тебе песнь ныне, всепетой Богородице, радостно: со Предтечею и всеми святыми моли, Богородице, еже ущедрити ны.
Вся Ангелов воинства, Предтече Господень, апостолов двоенадесятице, святи вси с Богородицею, сотворите молитву, во еже спастися нам.
От клятвы – от проклятия. Ненадежных – лишенных надежды, потерявших надежду. Помози – помоги. Моли, Богородице, еже ущедрити ны – моли, Богородица, (Бога) умилосердиться над нами. Двоенадесятице – двенадцать (точнее было бы сказать – двенадцатерица, но такого слова нет в словарях; кроме того, здесь звательный падеж). Во еже – чтобы.
Молитвы ко Пресвятой Богородице
Царице моя преблагая, надеждо моя Богородице, приятелище сирых и странных предстательнице, скорбящих радосте, обидимых покровительнице! Зриши мою беду, зриши мою скорбь; помози ми яко немощну, окорми мя яко странна. Обиду мою веси, разреши ту, яко волиши: яко не имам иныя помощи разве Тебе, ни иныя предстательницы, ни благия утешительницы, токмо Тебе, о Богомати, яко да сохраниши мя и покрыеши во веки веков. Аминь.
Приятелище сирых – приют сирот. Странных предстательнице – заступница странствующих. Окорми мя яко странна – направь на путь меня, странника. Веси – Ты знаешь. Разреши ту – освободи от нее. Яко волиши – как Ты хочешь. Яко не имам иныя помощи – потому что у меня нет (я не имею) иной помощи. Разве Тебе – кроме Тебя.
К кому возопию, Владычице? К кому прибегну в горести моей, аще не к Тебе, Царице Небесная? Кто плач мой и воздыхание мое примет, аще не Ты, Пренепорочная, надеждо христиан и прибежище нам грешным? Кто паче Тебе в напастех защитит? Услыши убо стенание мое, и приклони ухо Твое ко мне ъ, Владычице Мати Бога моего, и не презри мене, требующаго Твоея помощи, и не отрини мене грешнаго. Вразуми и научи мя, Царице Небесная; не отступи от мене раба Твоего, Владычице, за роптание мое, но буди мне Мати и заступница. Вручаю себе милостиву покрову Твоему: приведи мя грешнаго к тихой и безмятежней жизни, да плачуся о гресех моих. К кому бо прибегну повинный аз, аще не к Тебе, упованию и прибежищу грешных, надеждою на неизреченную милость Твою и щедроты Твоя окриляемь? О Владычице Царице Небесная! Ты мне упование и прибежище, покров и заступление и помощь. Царице моя преблагая и скорая Заступнице! Покрый Твоим ходатайством моя прегрешения, защити мене от враг видимых и невидимых; умягчи сердца злых человек, возстающих на мя. О Мати Господа моего Творца! Ты еси корень девства и неувядаемый цвет чистоты. О Богородительнице! Ты подаждь ми помощь немоществующему плотскими страстьми и болезнующему сердцем, едино бо Твое и с Тобою Твоего Сына и Бога нашего имам заступление; и Твоим причудным заступлением да избавлюся от всякия беды и напасти, о пренепорочная и преславная Божия Мати Марие. Темже со упованием глаголю и вопию: радуйся, Благодатная, радуйся, Обрадованная; радуйся, Преблагословенная, Господь с Тобою.
Аще – если. Паче – больше, лучше. Убо –здесь: же. Имам – я имею. Темже – поэтому. Глаголю и вопию – говорю и восклицаю.
О Пресвятая Дево, Мати Христа Бога нашего, Царице небесе и земли! Вонми многоболезненному воздыханию души нашея, призри с высоты святыя Твоея на нас, с верою и любовию покланяющихся пречистому образу Твоему. Се бо грехми погружаеми и скорбми обуреваеми, взирая на Твой образ, яко живей Ти сущей с нами, приносим смиренныя моления наша. Не имамы бо ни иныя помощи, ни инаго предстательства, ни утешения, токмо Тебе, о Мати всех скорбящих и обремененных. Помози нам немощным, утоли скорбь нашу, настави на путь правый нас, заблуждающих, уврачуй и спаси безнадежных, даруй нам прочее время живота нашего в мире и тишине проводити, подаждь христианскую кончину, и на Страшнем Суде Сына Твоего явися нам милосердная Предстательница, да всегда поем, величаем и славим Тя, яко благую Заступницу рода христианскаго, со всеми угодившими Богу, во веки веков. Аминь.
Вонми – со вниманием услышь. Яко живей Ти сущей с нами – как будто Ты живая с нами. Не имамы бо – потому что нет у нас.
Канон Ангелу–Хранителю
Тропарь, глас 6–й
Ангеле Божий, хранителю мой святый, живот мой соблюди во страсе Христа Бога, ум мой утверди во истиннем пути, и к любви горней уязви душу мою, да тобою направляем, получу от Христа Бога велию милость.
Слава, и ныне:
Богородичен:Святая Владычице, Христа Бога нашего Мати, яко всех Творца недоуменно рождшая, моли благость Его всегда, со хранителем моим Ангелом, спасти душу мою, страстьми одержимую, и оставление грехов даровати ми.
Живот мой – жизнь мою. Горней – небесной. Недоуменно – превыше ума, непостижимо уму.
Канон, глас 8–й, Песнь 1
Ирмос:Поим Господеви, проведшему люди Своя сквозе Чермное море, яко един славно прославися.
Припев Иисусу:Господи Иисусе Христе Боже мой, помилуй мя.
[Тропарь Господу Иисусу Христу только в первой и девятой песнях канона.]
Песнь воспети и восхвалити, Спасе, Твоего раба достойно сподоби, безплотному Ангелу, наставнику и хранителю моему.
Припев:Святый Ангеле Божий, хранителю мой, моли Бога о мне.
Един аз в неразумии и в лености ныне лежу, наставниче мой и хранителю, не остави мене погибающа
Слава:
Ум мой твоею молитвою направи, творити ми Божия повеления, да получу от Бога отдание грехов, и ненавидети ми злых настави мя, молюся ти.
И ныне:
Молися, Девице, о мне, рабе Твоем, ко Благодателю, со хранителем моим Ангелом, и настави мя творити заповеди Сына Твоего и Творца моего.
Един аз – один я. Ненавидети ми злых – чтобы мне ненавидеть зло (злая в знач.: злое, зло).
Песнь 3
Ирмос:Ты еси утверждение притекающих к Тебе, Господи, Ты еси омраченных, и поет Тя дух мой.
Святый Ангели Божий, хранителю мой, моли Бога о мне.
Все помышление мое и душу мою к тебе возложих, хранителю мой; ты от всякия мя напасти вражия избави.
Святый Ангеле Божий, хранителю мой, моли Бога о мне.
Враг попирает мя, и озлобляет, и поучает всегда творити своя хотения; но ты, наставниче мой, не остави мене погибающа.
Слава:
Пети песнь со благодарением и усердием Творцу и Богу даждь ми, и тебе благому Ангелу–Хранителю моему: избавителю мой, изыми мя от враг озлобляющих мя.
И ныне:
Исцели, Пречистая, моя многонедужныя струпы, яже в души, прожени враги, иже присно борются со мною.
Возложих – я возложил, направил. Озлобляет – исполняет зол, бедствий; изми мя от враг озлобляющих мя – отбери меня от мучащих меня врагов. Струпы, яже в души – гнойные раны души. Прожени – прогони. Иже присно – которые всегда.
Седален, глас 2–й
От любве душевныя вопию ти, хранителю моей души, всесвятый мой Ангеле: покрый мя и соблюди от лукаваго ловления всегда, и к жизни настави небесней, вразумляя и просвещая и укрепляя мя.
Слава, и ныне:
Богородичен:Богородице безневестная Пречистая, Яже без семене рождши всех Владыку, Того со Ангелом хранителем моим моли, избавити ми ся всякаго недоумения, и дати умиление и свет души моей и согрешением очищение, Яже едина вскоре заступающи.
От лукаваго ловления – от козней зла (ловление – засада, скрытые враждебные действия). Яже без семене рождши – безсеменно родившая. Недоумения – смятения, смущения. Яже едина вскоре заступающи – Ты, единственная скорая Заступница (скоро заступающаяся).
Обратите внимание: в церковнославянском языке возвратная частица –ся еще не «приросла» к глаголу, как в современном русском, где мы сказали бы: «моли о том, чтобы мне избавиться от всякого смущения», по–церковнославянски звучит: «моли избавити ми ся всякаго недоумения». Точно также вместо «молюсь Тебе» мы встретим «молю Ти ся», и т. п.
Песнь 4
Ирмос:Услышах, Господи, смотрения Твоего таинство, разумех дела Твоя, и прославих Твое Божество.
Моли Человеколюбца Бога ты, хранителю мой, и не остави мене, но присно в мире житие мое соблюди, и подаждь ми спасение необходимое.
Святый Ангеле Божий, хранителю мой, моли Бога о мне.
Яко заступника и хранителя животу моему прием тя от Бога, Ангеле, молю тя, святый: от всяких мя бед свободи.
Слава:
Мою скверность твоею святынею очисти, хранителю мой, и от части шуия да отлучен буду молитвами твоими и причастник славы явлюся.
И ныне:
Недоумение предлежит ми от обышедших мя зол, Пречистая, но избави от них скоро: к Тебе бо единей прибегох.
Услышах, разумех, прославих – я услышал, я уразумел, я прославил (> формы 1–го лица прошедшего времени). Смотрение – промысл, проведение, Божественное домостроительство. Присно – всегда. Необоримое – неодолимое, непобедимое.