Необычайное путешествие в Древнюю Русь. Грамматика древнерусского языка для детей — страница 29 из 31

Бѣ же тогда субота, въеходящу солнцю, и съступишася обои. И бысть сѣча зла, и трусь от копий ломления, и звукъ от сѣчения мечьнаго, яко же и езеру померзъшю двигнутися, и не бѣ видѣти леду, покры бо ся кровию.

Се же слышахъ от самовидьца, иже рече ми, яко видѣхъ полкъ Божий на воздусѣ, пришедши на помощь Александрови. А тако побѣди я помощию Божиею, и сѣчахуть я, гоняще, и не бѣ камо утещи. Зде же прослави Богъ Александра предь всѣми полкы, яко же Исуса Навина у Ерехона. А иже рече, имемъ Александра руками, сего дасть ему Богъ въ руцѣ его. И не обрѣтеся противникъ ему въ брани никогда же. И возвратися князь Александръ съ побѣдою славною, и бяше множество полоненыхъ въ полку его, и ведяхуть босы подле коний, иже именують себе божии ритори.

И яко же приближися князь ко граду Пскову, игумени же и Попове и весь народъ срѣтоша его предъ градомь съ кресты, подающе хвалу Богови и славу господину князю Александру, поюще пѣснь: «Пособивый, Господи, кроткому Давыду побѣдити иноплеменьникы и вѣрному князю нашему оружиемь крестнымь и свободи градъ Псковъ от иноязычникъ рукою Александровою».

И нача слыти имя его по всѣмъ странамъ.

Въ то же время бѣ царь силенъ на Въсточнѣй странѣ, иже бѣ ему Богъ покорилъ языкы многы, от въстока даже и до запада. Тъй же царь, сльпнавъ Александра тако славна и храбра, посла къ нему послы и рече: «Александре, вѣси ли, яко Богъ покори ми многы языкы. Ты ли единъ не хощещи покорити ми ся? Но аще хощеши съблюсти землю свою, то приеди скоро къ мнѣ и видиши честь царства моего».

Князь же Александръ прииде въ Володимеръ по умертвии отца своего в силѣ велицѣ. И бысть грозенъ приездъ его, и промчеся вѣсть его и до устья Волгы. И начаша жены моавитьскыя полошати дѣти своя, ркуще: «Александръ едеть!»

Съдумавъ же князь Александръ, и благослови его епископъ Кирилъ, и поиде къ цареви въ Орду. И видѣвъ его царь Батый, и подивися, и рече велможамъ своимъ: «Истину мнѣ сказасте, яко нѣсть подобна сему князю». Почестивъ же и честно, отпусти его.

По сѣмъ же разгнЬвася царь Батый на брата его меньшаго Андрѣя и посла воеводу своего Неврюня повоевати землю Суждальскую. По пленении же Неврюневѣ князь великый Александръ церкви въздвигну, грады исполни, люди распуженыя събра въ домы своя. О таковыхъ бо рече Исайя пророкъ: «Князь благъ въ странахъ — тихъ, увѣтливь, кротокъ, съмѣренъ, по образу Божию есть». Не внимая богатьства и не презря кровь праведничю, сиротѣ и вдовици въправду судяй, милостилюбець, благъ домочадцемъ своимъ и вънѣшнимъ от странъ приходящимъ кормитель. На таковыя Богъ призираеть, Богъ бо не аггеломъ любить, но человѣκомъ си щедря ущедряеть и показаеть на мирѣ милость свою.

Распространи ясе Богъ землю его богатьствомь и славою, и удолжи Богъ лѣть ему.

Бѣ же тогда нужда велика от иноплеменникъ, и гоняхуть христианъ, веляще съ собою воиньствовати. Князь же великый Александръ поиде къ цареви, дабы отмолити люди от бѣды тоя.

А сына своего Дмитрия посла на Западныя страны и вся полкы своя посла съ нимь и ближнихъ своихъ домочадець, рекши къ нимъ: «Служите сынови моему акы самому мнѣ, всѣмь животомь своимь». Поиде князь Димитрий въ силѣ велицѣ, и πлѣни землю нѣмецькую, и взя градъ Юрьевъ, и възвратися къ Новугороду съ многымь полономь и съ великою корыстию.

Отець же его князь великый Александръ възвратися из Орды от царя, и доиде Новагорода Нижняго, и ту пребывъ мало здравъ, и, дошедь Городьца, разболѣся. О горе тобѣ, бедный человѣче! Како можеши написати кончину Господина своего! Како не упадеть ти зѣници вкупѣ съ слезами! Како же не урветься сердце твое от корения! Отца бо оставити человѣкъ можеть, а добра Господина не мощно оставити: аще бы лзѣ, и в гробь бы лѣзлъ съ нимь!

И такъ Богови духъ свой предасть съ миромь месяца ноября въ 14 день, на память святаго апостола Филиппа.

Митрополить же Кирилъ глаголаше: «Чада моя, разумѣйте, яко уже заиде солнце земли Суздальской!»

Святое же тѣло его понесоша кь граду Володимерю. Митрополить же, князи и бояре и весь народа, малии, велиции, срѣтоша его въ Боголюбивъмъ съ свищами и съ кандилы. Бысть же вопль, и кричание, и тута, яка же несть была, яко и земли потрястися. Положено же бысть тѣло его въ Рожествѣ Святыя Богородица месяца ноябрия, въ 24 день, на память святаго отца Амфилохия.

Бысть же тогда чюдо дивно и памяти достойно. Егда убо положено бысть святое тѣло его въ раку, тогда Савастиянъ икономъ и Кирилъ митрополить хотя розъяти ему руку, да вложать ему грамоту душевную. Он же, акы живъ сущи, распростри руку свою и взять грамоту от рукы митрополита. И приять же ихъ ужасть, и едва отступиша от ракы его.

И тако прослави Богь угодника своего!


комментарии

…Александра, сына Ярославля, а внука Всеволожа. — Александр Невский был сыном великого князя Ярослава Всеволодовича, внуком великого князя Всеволода III Большое гнездо.

Исайя — пророк — автор одной из библейских книг.

Иосифъ — согласно Библии Иосиф, сын Иакова, отличался красотой и умом. Ненавидимый братьями, он был продан в рабство ими в Египет. Здесь Иосиф стал наместником фараона и долгое время управлял Египтом.

Самсонъ — библейский герой, наделенный необычайной силой.

…акы царя римскаго Еуспесиана — Веспасиан Тит Флавий — римский император. Будучи полководцем при Нероне, за два года покорил почти всю Иудею.

…король части Римьскыя от нолунощныя страны… — шведский король Эрик Эриксон (Картавый). В походе 1240 года во главе шведского войска стоял не он, а его зять Ярл Биргер.

Помянемъ Пѣснотворца… — имеетси в виду библейский царь Давид, которому приписывается авторство одной из книг Библии — Псалтири.

…старѣйшина въ земли Ижерстей, именемь Пелугий… — Ижорская земля находилась в районе Невы и подчинилась Новгороду, часть ее населения приняла христианство.

Насадъ — вид речного судна.

…и бысть сѣча велика над Римляны… — римлинами называли сторонников католической веры, в данном случае шведов.

Шнекъ — вид судна.

…приидоша пакы отъ Западныя страны и возградиша градъ въ отечьствѣ Александровѣ — крепость Копорье, недалеко от Финского залива, была построена ливонцами в 1241 году на земле, принадлежащей Новгороду.

Уже бо бяше града, Псковъ взять… — Псков был захвачен немцами в 1240 году. Александр Невский освободил Псков в 1242 году.

И бысть сеча зла… — Битва на Чудском озере (Ледовое побоище) состоялась 5 апреля 1242 года.

…прослави Богь… якоже Исуса Навина… — Исус Навин — библейский герой. Согласно Библии крепостные стены Иерихона, одного из древнейших городов Палестины, обрушились от криков и звуков труб осаждавшего их израильского войска во главе с Исусом Навином.

… бѣ царь силенъ па въсточнѣй странѣ… — хан Золотой Орды Батый; Александр совершил поездку в Золотую Орду в 1246 году.

…жены моавитьскыя… — Моавитяне — здесь: татары.

…и посла воеводу своего Неврюня… — Неврюево нашествие на Владимиро-Суздальскую Русь произошло в 1252 году. Ханом Золотой Орды был в то время уже не Батый, а Сартак.

…Александръ поиде къ цареви, дабы отмолмти люди отъ бѣды тоя — по приказу золотоордынского хана русские князья должны были присылать свои полки для участия в татарских походах. В 1262 году Александр поехал в Орду и добился освобождения русских от обязанности выступать в войнах на стороне татар.

…срѣтоша его въ Боголюбивъмъ… — Боголюбове — княжеская резиденция недалеко от Владимира.

…въ Рожесτвѣ Святыя Богородица… — Александр Невский был погребен в монастыре Рождества Богородицы во Владимире.

…да вложать ему грамоту душевную — во время обряда погребения читается разрешительная молитва о прощении грехов. Текст ее после чтения влагается в правую руку умершего.

Повесть о разорении Рязани Батыем

«Повесть о разорении Рязани Батыем» — это дошедшее до нас свидетельство о монголо-татарском нашествии на Русь в XIII веке.

В 1238 году древнерусский город Рязань, первым испытавший натиск батыевых полчищ, был разрушен татарами. Рязанский князь Федор, жена его Евпраксия и сын Иван, другие рязанские князья погибли. Жители Рязани, женщины дети, старики и «все удальцы резанские все равно умерли и единую чашу смертную испили».

Стойкости русских воинов, бившихся «один с тысячей, а два со тьмою», верности русичей вере христианской и долгу защиты Отечества посвящена эта древняя повесть, сложенная в XIII веке.

В лето 6745. Въ второе на десять лѣто по принесении чюдотворнаго образа Николина из Корсуня. Прииде безбожный царь Батый на Русскую землю со множество вой татарскыми, и ста на рѣцѣ на Воронежи близъ Резанския земли. И приела на Резань къ великому князю Юрыо Ингоревичю Резанскому послы безделны, просяща десятины въ всѣмъ. И услыша великый князь Юрий Ингоревичь Резанский приходъ безбожнаго царя Батыя, и вскоре посла въ градъ Владимеръ къ благовѣрному къ великому князю Георгию Всеволодовичю Владимерскому, прося помощи у него на безбожнаго царя Батыя, или бы самъ пошелъ. Князь великый Георгий Всеволодовичь самъ не пошелъ и на помощь не послалъ, хотя особе самъ сотворити брань съ Батыемь. И услыша великый князь Юрий Ингоревичь Резанский, что нѣсть ему помощи от великаго князя Георгия Всеволодовича Владимерьскаго, и вскоре посла по братью свою по князя Давида Ингоревича Муромскаго, и по князя Глѣба Ингоревича Коломенскаго, и по князя Олега Краснаго, и по Всеволода Проньскаго, и по прочий князи. И начаша совещевати, яко нечестиваго подобаеть утоляти дары. И посла сына своего князя Федора Юрьевича Резаньскаго къ безбожному царю Батыю съ дары и молении великыми, чтобы не воевалъ Резанския земли. Князь Федоръ Юрьевичь прииде на рѣку на Вороиежь къ царю Батыю, и принесе ему дары и моли царя, чтобы не воевалъ Резанския земли. Безбожный царь Батый, лстивъ бо и немилосердь, прия дары, охапися лестию не воевати Резанския земли. И яряся-хваляся воевати Русскую землю.

И нѣкий от велможь резанскыхъ завистию насочи безбожному царю Батыю на князя Федора Юрьевича Резанскаго, яко имѣеть у собѣ княгыню от царьска рода, и лѣпотою — тѣломь красна бѣ зѣло. Царь Батый и рече князю Федору Юрьевичю: «Дай мнѣ, княже, вѣдѣти жены твоея красоту». Благовѣрный князь Федоръ Юрьевичь и посмѣяся, и рече царю: «Не полезно бо есть намъ христианомъ тобѣ нечестивому царю водити жены своя на блудь. Аще насъ приодолѣеши, то и женами нашими владѣти начнеши». Безбожный царь Батый возярися и огорчися, и повелѣ вскоре убити благовѣрнаго князя Федора Юрьевича, а тело его повелѣ поврещи зверемъ и птицамъ на разтерзание; и инѣхъ князий, нарочитыхъ людей воиньскыхъ побилъ.