Стра́нное чýдо си́лы твоея́, Архистрати́же Бо́жий, уве́де на себе́ Аввакýм, егда́ по ма́нию Бо́жию восхи́тив, прине́сл еси́ его́ скороте́чне от Иуде́ и в Вавило́н, да́ти пи́щу Дании́лу, в ро́ве со львы заключе́ну; те́мже уди́влься превели́ кому́ де́йствию си́лы твоея́, возопи́ с ве́рою: Аллилýиа.
Весь еси́ в вы́шних, Михаи́ле, Престо́лу Царя́ Сла́вы предстоя́й, не дале́ к еси́ и от ни́жних, ра́туя вы́ну со врага́ми спасе́ния челове́ческаго; те́мже вси, вожделе́ннаго Оте́чества Небе́снаго дости́гнути хотя́щии, согла́сно тебе́ зовýт: Ра́дуйся, нача́льниче трисвята́го а́нгельскаго пе́ния; Ра́дуйся, земноро́дных при́сно гото́вый предста́телю и храни́телю. Рáдуйся, прего́рдаго фарао́на с неве́рными египтя́ны порази́вый странноо́бразно; Ра́дуйся, ве́рныя иуде́и путеводи́вый в пусты́ни пресла́вно. Ра́дуйся, и́мже угаси́ся пла́мень пещи́ вавило́нския; Ра́дуйся, Михаи́ле, вели́кий Архистрати́же, со все́ми Небе́сными си́лами.
Вси́ и ноцы́ Святы́я Горы́ Афо́нския в ра́достный тре́пет приидо́ша, ви́дяще, ка́ко богобоя́зненна о́трока, неи́стовно от нечести́вых златолю́бцев во глубинý морскýю с ка́мнем пове́ржена, спасл еси́; те́мже прия́вшая его оби́тель, и́менем твои́м красýющися, благода́рне взыва́ет ко Го́споду: Аллилýиа.
Вити́й глаго́лы и любомýдров смы́слы не довле́ют ко изглаго́ланию си́лы твоея́, Михаи́ле, ка́ко во еди́ну нощь сто се́мьдесят и пять ты́сящ порази́л еси́ от во́ев царя́ ассири́йска Сеннахири́ма, да нака́жется про́чее не хули́ти и́мя Госпо́дне; мы же, почита́юще святýю ре́вность твою́ о сла́ве Бо́га и́стиннаго, с весе́лием зове́м ти си́це: Ра́дуйся, правосла́вных во́инств непобеди́мый воево́до; Ра́дуйся, злове́рных ра́тей страх и низложе́ние. Ра́дуйся, пра́выя ве́ры и богопочита́ния насади́телю; Ра́дуйся, душевре́дных ере́сей и раско́лов искорени́телю.
Ра́дуйся, благочести́выя Маккаве́ и на по́ле бра́ни мно́гажды укрепи́вый; Ра́дуйся, нечести́ваго вождя́ Антио́хова Илиодо́ра в саме́м хра́ме порази́вый. Ра́дуйся, Михаи́ле, вели́икий Архистрати́же, со все́ми Небе́сными си́лами.
Спасти́ся хотя́щим нам бýди помо́щник тверд, Архистрати́же Бо́жий, избавля́яй и храня́й нас от бед и напа́стей па́че же от злых на́выков и грехо́в на́ших, да, преспева́юще в ве́ре, наде́жде и любви́ Христо́ве, с ра́достию о преди́внем заступле́нии твое́м ко Влады́це А́нгелов и челове́ков благода́рне зове́м: Аллилýиа.
Стена́еси ве́рующим человеком, Архистрати́же Бо́жий, и столп кре́пок во бра́нех со врага́ми ви́димыми и неви́димыми; сего́ ра́ди от се́тей бесо́вских тобо́ю избавля́еми, благода́рным се́рдцем и усты́ зове́м си́це: Ра́дуйся, враго́м ве́ры и сопроти́вником Святы́я Це́ркве непобеди́мый противобо́рниче; Ра́дуйся, смире́нным провозве́стником Ева́нгелиа неутоми́мый споспе́шниче. Ра́дуйся, во тьме злове́рия седя́щих све́том ве́ры Христо́вы просвеща́яй; Ра́дуйся, лжемýдрием объюро́девших на стезю́ и́стины и покая́ния наставля́яй. Ра́дуйся, гро́зный отмсти́телю кленýщимся и́менем Бо́жиим всýе; Ра́дуйся, молниено́сный кара́телю глумя́щихся безýмне о та́инствах святы́я ве́ры. Ра́дуйся, Михаи́ле, вели́кий Архистрати́же, со все́ми Небе́сными си́лами.
Пе́ние вся́кое хвале́бное побежда́ется мно́жеством чуде́с твои́х, Архистрати́же Бо́жий, я́ко соверше́на суть тобо́ю не то́чию на небеси́ и на земли́, но и в те́мных се́нех преиспо́дней, иде́же глуби́ннаго зми́я связа́л еси́ ýзами си́лы Госпо́дней, да избавля́емии от зло́бы его благословя́т Влады́ку небесе́ и земли́, зовýще: Аллилýиа.
Светоно́сный служи́тель и́стины и чистоты́ богопочита́ния яви́лся еси́, Архистрати́же, егда́, прови́дя ко́зни дýха тьмы, воспрети́л еси́ емý и́менем Бо́жиим, да не дерзне́т сокровее́нное те́ло почи́вшаго вождя́ Изра́илева Моисе́а яви́ти ко обо́жению чýвственным сыново́м Изра́илевым; се́го ра́ди, чтýще ны́не благосве́тлый собо́р твой, благода́рне вопие́м ти: Ра́дуйся, чистотý богове́дения во дни Ве́тхаго Заве́та среди́ иуде́ев сохрани́вый; Ра́дуйся, пле́велы заблужде́ний во дни Но́выя благода́ти мно́гажды искорени́вый. Ра́дуйся, язы́ческих прорица́лищ и куми́ров истреби́телю; Ра́дуйся, христиа́нских подви́жников и страстоте́рпцев укрепи́телю. Ра́дуйся, не мощныя́ дýхом си́лою благода́ти Бо́жия исполня́яй; Ра́дуйся, изнемогаю́щия пло́тию всеорýжием ве́ры облека́яй. Ра́дуйся, Михаи́ле, вели́кий Архистрати́же, со все́ми Небе́сными си́лами.
Благода́ть от Бо́га с Небесе́ испроси́ нам, пою́щим во сла́ву всечестна́го и мене́ твоего́, Михаи́ле, да, осеня́еми твои́м заступле́нием, во вся́ком благоче́стии и чистоте́ поживе́м, до́ндеже, отреше́ннии сме́ртию от уз пло́ти, сподо́бимся предста́ти огнезра́чному Престо́лу Царя́ сла́вы и с ли́ки а́нгельскими возопи́ти: Аллилýиа.
Пою́ще многоо́бразная твоя́ чудеса́, Михаи́ле, во спасе́ние на́ше соде́янная, мо́лим Го́спода и Влады́ку вся́ческих, да дух рéвности по сла́ве Бо́жией, и́же в тебе́, николе́же оскуде́ет и в нас, зовýщих ти си́це: Ра́дуйся, ве́рных рабо́в Бо́жи́их во вре́мя благопотре́бно на высотý вла́сти преди́ вне поставля́яй; Ра́дуйся, проде́рзых и недосто́йных с высоты́ си́лы и сла́вы незри́мо низлага́яй. Ра́дуйся, в день после́дний избра́нных от четыре́х концо́в земли́ име́яй собра́ти; Ра́дуйся, и мже гре́шныя, я́ко пле́велы, по гла́су Бо́жию огню́ ве́чному пре́даны бýдут. Ра́дуйся, и мже сатана́ со а́нгелы его во́е зеро́ о́гненное на ве́ки пове́ргнется; Ра́дуйся, и мже пра́ведниц во оби́телех Отца́ Небе́снаго пресла́вне водворя́тся. Ра́дуйся, Михаи́ле, вели́кий Архистрати́же, со все́ми Небе́сными си́лами.
О, пречýдный Арха́нгелов и А́нгелов нача́льниче, за преди́вное служе́ние твое́ спасе́нию ро́да челове́ческаго приими́ от нас возноси́мый к тебе́ ны́не глас хвалы́ и благодаре́ения и, я́ко испо́лнь си́лы Бо́жией, покры́й нас невеще́ственныма крило́ма твои́ ма́от всех враг ви́димых и неви́димых, да прославляе́мому тобо́ю и просла́вившему тя Го́споду вы́ну зове́м: Аллилýиа.
Этот кондак читается трижды, затем икос 1 и кондак 1.
Святы́й и вели́кий Арха́нгеле Бо́жий Михаи́ле, неисповеди́мыя и пресýщественныя Тро́ицы пе́рвый во А́нгелех предстоя́телю, ро́да же челове́ческаго приста́вниче и храни́телю, сокруши́вый с во́инствы свои́ми главý прего́рдаго Денни́цы на небеси́ и посрамля́яй вы́ну зло́бу и кова́рства его́ на земли́!
К тебе́ прибега́ем с ве́рою и тебе́ мо́лимся с любо́вию: бýди щит несокруши́м и забра́ло тве́рдо Святе́й Це́ркви и Правосла́вному Оте́чествию на́шему, огражда́я их молниено́сным мече́м твои́м от всех враг, ви́димых и неви́димых. Не оста́ви же, о Арха́нгеле Бо́жий, по́мощию и заступле́нием твои́м и нас, прославля́ющих днесь свято́е и́мя твое́: се́бо, а ще и многогре́шни есмы́, оба́че не хо́щем в беззако́ниих на́ших поги́бнути, но е́же обрати́тися ко Го́споду и оживле́нным бы́ти от Него́ на дела́ блага́я. Озари́ ýбо ум наш све́том лица́ Бо́жия, и́же вы́ну си́яет на молниеви́ днем челе́ твое́м, да возмо́жем разуме́ти, что есть во́ля Бо́жия о нас, блага́я и соверше́нная, и ве́дети вся, я же подоба́ет нам твори́ти и я же презира́ти и оставля́ти. Укрепи́ благода́тию Госпо́днею сла́бую во́лю и немощно́е произволе́ние на́ше, да, утверди́вшеся в зако́не Госпо́днем, преста́нем про́чее вла́ятися земны́ми по́мыслы и похоте́нии пло́ти, увлека́ющеся по подо́бию несмы́сленных дете́й скороги́бнущими красо́тами ми́ра сего́, я́ко ра́ди тле́ннаго и земна́го безýмне забыва́ти ве́чная и небе́сная. Над все́ми же си́ми испроси́ нам свы́ше дух и́стиннаго покая́ния, нелицеме́рную печа́ль по Бо́зе и сокруше́ние о гресе́х на́ших, да остаю́щее нам число́ дний вре́меннаго живота́ на́шего ижди́вем не во угожде́нии чувств и рабо́те страсте́м на́шим, но во изглажде́нии зол, соде́янных на́ми, слеза́ми ве́ры и сокруше́ния серде́чнаго, по́двигами чистоты́ и святы́ми дела́ми милосе́рдия. Егде́ же прибли́зится час оконча́ания на́шего, освобожде́ния от уз брéннаго сего́ телесе́, не оста́ви нас. Арха́нгеле Бо́жий, беззащи́тных проти́ву духо́в зло́бы поднебе́сных, обы́кших прегражда́ти душе́ челове́честей восхо́д в го́рняя, да, охраня́ еми́ тобо́ю, безпреткнове́нне дости́гнем о́ных пресла́вных селе́ний ра́йских, иде́же несть печа́ль, ни воздыха́ние, но жизнь безконе́чная, и, сподо́бльшеся ýзрети пресве́тлое лице́ всеблага́го Го́спода и Влады́ки на́шего, па́дше со слеза́ми у ног Его́, в ра́дости и умиле́нии воскли́кнем: сла́ва Тебе́, дража́йший Искупи́телю наш, И́же за премно́гую любо́вь Твою́ к нам, недосто́йным, благоволи́л еси́ посла́ти А́нгелы Твоя́ в служе́ние спасе́нию на́шему! Ами́нь.
Список литературы
1. Слова преподобного Симеона Нового Богослова. В 2 ч. М.: Правило веры, 2001.
2. Акафистник. М., Даниловский благовестник. 2000.
3. Полный православный молитвослов и псалтирь на всякую потребу. СПб.: Общество святителя Василия Великого. 2008.