брадобритие) дияволский образ нарицает[1064]. Божественный[1065] же Епифаний Кипрский глаголет[1066]: «Что горше и противнее, еже браду, Образ Божий, стрищи, власы же главы растити, еже сим блуднически украшатися, иже суть ниже мужие, ниже жены; обычай бо сей блудником привязян есть»[1067]. И обличаются таковии от посмевающихся варваров, мужеобразное благолепие обнажающии, женообразие ревнующе[1068] и ловяще[1069]. Еллин убо сие и иных нехристиянских народов гнусное дело, яко показуется от Повести о святых новоявленных мученицех Антонии, Иоанне и Ефстафии самобратех[1070]: тии бо, по приятии (Л. 439 об.) Святаго Крещения, пострадаша в Вилне за брадобритие и ношение тафии от нехристианскаго еще литовскаго князя Олгерда[1071]. И великомученик святый Георгий Новый, пострадавый за ношение тафии[1072], купно же (явленно яко)[1073] и за брадобритие[1074] в болгарстем граде Средце от Селима Амурата Турскаго.
И доднесь убо обычай сей нехристианский видим есть у крымских, и колмытских татар, и иных нехристианских народов брадобриющих, от них же навыкоша еретицы и христиане неции тое творити ради угождения блуднаго, яже православный Михаил, блаженнейший патриарх Ко[н]стантинуполский[1075], зовемый Кирулларий, егоже правая рука по смерти у тела онаго чюдовне подъятся, яко знаменающи крестом святым[1076], иже с прочими святейшими патриархи изверже имя папы ромскаго из диптихов[1077]. Еже браду стрищи, обличает еретики – латыны.
И зело лепотно, от апостолов взем, и церковнаго (Л. 440) древняго и нынешняго предания, потом и Нектарий[1078], святейший Иеросалимский патриарх[1079], и инии святейшии[1080] патриарсии, и инии[1081] архиерее, святии отцы – вси имуще власть вязати и решити, ихже имена и писания[1082] за долготу слова оставляем, кийждо сих соборне наказавше брадобрийцев[1083], не послушающия их – отлучаху от Церкве и сообщения верных. Прежде же сих за многая лета на Шестом [В]селенском святом Синоде 227 святии отцы, Духом Святым движими, изложиша канон[1084] со отлучением[1085] о украшающих, и виющих, и плетущих власы главы своея, и кудри творящих, и бастричищныя[1086] (рекше чюждыя[1087]) власы на прелщение блуда, яко приваду, сиречь привлачило некое носящих и лесть[1088]. Такожде толковницы[1089] канонов святии отцы[1090] и брады стригущих, и керемидами разженными израстшыя[1091]власы брадныя испепеляющих, яко мужем, уже совершенным сущим, мнетися быти юношам младым, – сие[1092] же называет той святых (Л. 440 об.) оных отцев канон[1093] «всенародное зло, яко некий недуг общий, гагрена зовемый[1094], впадший в христоименитый народ, вся негли поядает»[1095].
Быша же о сем и зде, в Велицей Росии, Собори архиерейстии и с царскими присутствии: при царе Иоанне[1096] Васильевиче и при митрополите всеа Росии Макарии[1097]; при царе Михайле Феодоровиче и патриарсе Филарете[1098], иже по сродству плотскому искренний прадед бе великих государей наших, благочестивых царей Иоанна Алексеевича, Петра Алексеевича; при царе Алексии Михайловиче, отце благочестивых царей наших, и при патриарсе Иосифе[1099], – на них же, Соборех, брадобрийцы и тафионосцы осудишася[1100], яко свидетелствует в книзе «О святителских судех», в царствующем великом граде Москве печатаной во днех царя Михаила Феодоровича, в главе 43, глаголюще, яко «аще умрет брадобрийца, над таковым не служити, и сорокоустия по нем (Л. 441) не пети, и свещи и просфоры[1101] по нем не приносити, зане с неверными таковый причитается»[1102]. Подобне паки в книзе Служебнице, печатаном в[1103] царствующем же[1104] граде Москве при царе Алексии Михайловиче и при патриарсе Иосифе, в нем же[1105] соборное их и всего Освященнаго тогдашняго чина архиереев [Собора] изречение глаголет о стригущих брады (лист 629–633)[1106]: «На таковыя буди общая церковная клятва прежде бывших святых Соборов, и благоверных царей, и священных архиереев[1107]». «И мы глаголем такожде[1108] и завещаваем: яко врагов истинны, брадобрицев от Церкве отлучати, и запрещати, и всякия святыни удаляти, и общения с ними не имети, дондеже истинно покаются, еже не творити того»[1109]. И сия отлучения убо соборная и запрещения: святейших Филарета и Иосифа, патриархов, и митрополита всеа Росии Макария. Святейший Филарет патриарх[1110] изрече сице: «Проклинаю богоненавидимую блудолюбнаго образа прелесть душегубителныя ереси, еже (Л. 441 об.) постризати или тожде и брити браду постризалы и бритвами, иже своими зубы власы брады[1111] своея и усы укусывают, самоядцем подобящеся»[1112]. Такожде и о тафионосцах о всех изречеся. И сия три Соборы росистии глаголют. И тогда наказуемии бываху таковии от царя: нещадно же зло биенми, и иными градскими наказанми[1113], и от лица царского сиглитики брадобриющии изреяеми бываху, и в оземства, и заточения, в далния грады, и[1114] монастыри в наказания и труды посылаеми[1115].
Сим трием Собором и прочим, прежде сих бывшим, и мерность наша всесоборне последует. И яже они о брадобрийцах и тафионосцах изрекоша, таяжде и мы изрицаем[1116], яко глаголет в книзе «О судех святителских»: престати молю от таковаго несмыслства[1117]. Аще кто прежде нашего увещания и наказания поползнеся в сицевое неистовство[1118], аще бы и не было о сем от святых отец и Синодов определенно написано, и тако подобаше (Л. 442) хранити обычай Святыя Церкве непоколеблен (и неписаныя бо законы[1119] повелеся[1120]хранити опасно, колми паче[1121] написаная, и утвержденая, и узаконеная, преданная[1122] святых отец[1123] Соборами, паче же самем Богом заповеданая подобает всеконечно блюсти), – внемлите, молю! Се отвсюду показася грех сей тяжчайш и богопротивен: и от самаго Бога творения, и заповедания, и святых апостол завещаний[1124], и святаго [В]селенскаго Шестаго Синода запрещения, и от увещаний по особно от святых богодухновенных отец, Духом Святым вещавших, и святейших [В]селенских патриархов, Местных Соборов, и зде, в Велицей России, святейших патриархов с благочестивыми цари и прочими архиереи бывшими соборы, брадобрийцы и тафионосцы отлучению[1125] предавших, и по смерти помяновения отчюждивших, и с неверными таковыя причтавших[1126]. Кое ино болше сего наказание и увещание кто востребует? Или творяй сицевый смертный и богопротивный грех откуду