[1127] инуду[1128] помощь[1129] и ползу души своей (Л. 442 об.) взыщет, токмо[1130] от[1131] еже всеконечно престати от таковаго пребеззакония[1132] и умилостивити всеблагаго Бога слезами, и моленми, и иными благодеянми, паче же послушанием безпрекословным к Святей Божией Церкви и к отцем своим[1133] духовным? Еще со всеусердием слезно прошу: аще хощете искренно нарицатися мужие, а не мужежены[1134], поне отныне престаните вид мужеобразный Богоукрашенный тлити, рекше брити или стрищи брады! Не бывайте прочее явлени блудницы женообразныя, на прелесть блуда творящеся, паче же на скареднейшее содомство издаюшеся! Постыдитеся своея[1135] совести, обличающия вы! Аще бо стрижете брады ваша, и украшаете себе чюждими накладными женовидными[1136] власы плетеными[1137], и инако многоухищреньми творяще себе самыя женообразны, возимате некогда по нраву жен блудниц и лица ваша натирати разными шары и вонями, (Л. 443) ко угождению мерзкия[1138] скверныя сласти блудныя! Не срамляетеся ли убо о сии, деемаго вами противно Богу и закону Его, и противу Соборов, и изречением святых мужей чудоделателей и мудрых учителей? Не рдитеся ли, и чермнеетеся, и закрываетеся от стыда, слышаще сия святых[1139] словеса, совести вашей обличающей вы? Аще бо и мнитеся кии вас от сего честни, и лепи, и благообразни быти, истинно безчестни есте, и гнусни, и злообразни и пред Богом, и человеки[1140], аще в том пребудете. Аще же истинно слова Божия от мерности нашея и от отцев ваших духовных, глаголемаго к вам, послушаете, и от того гнуса власоращения, и брадобрития, и тафионошения престанете, от нанесеных вам прежде бывшими Соборы архиерейскими и нашею мерностию[1141] запрещений и отлучений свободни будете. И будете истиннии православнии христиане, сынове Святыя Церкве. И, прежде содеяная злая покаянием истинным очистивше, не токмо муки избудете, но и наследницы будете Небеснаго Царствия.
(Л. 443 об.) Не послушая же увещания сего и прошения мерности нашея, аще отселе впрочее начнет кто[1142] противное деяти, за прещением от самаго Бога, и святых апостолов, и[1143] отец соборне и по особне изреченным[1144], мы таковаго погибели не винни[1145]: еже бо[1146] должни бехом сотворити – сотворихом, долг свой отдахом, слово Божие возвестихом – сие убо есть наш долг. Кийждо же сам о себе узрит в час исхода души своея и в День Страшнаго Суда Божия и воздаяния, комуждо по делом его. Непослушания бо сынове – сынове суть погибели, на няже, по святому апостолу, грядет гнев Божий[1147].
Вам же, священным всем архиереем, архимандритом, игуменом, протопресвитером, иереем глаголю и завещаваю аз, отец ваш и архипастырь, не от себе, но от прежних святых отцев изем: вас же, кийждо в[1148] своей пастве и париссии или приходе, яже имате дети духовныя и прихожаны, наказуйте я́ не вдатися в сицевый странный и чюждый нехристианский обычай, еже власы растити и кудри ухищренми творити, наипаче же таймичищныя, си есть чюждыя накладныя власы налагати, (Л. 444) брады брити и тафии носити, но научайте я́ и вразумляйте сих[1149] всех ошаяватися и отбегати, чюждему бо какову обычаю последуя, на шесть лет запрещается по 83 канону Великаго Василия[1150]. Аще же кто за ненаказанный юностный обычай прежде сего нашего завещания поползнется в сие пребеззаконство, таковаго, наказавше, покаявшася удобно приемлите в сообщение. По сем же нашим наказанием и увещанием аще кий будет гордостно и упорно творящии власорастение, и брадобритие, и тафионошение, сего нашего увещания, паче же самаго Бога завещания, и святых апостол, и отцев всех вышепомянутых, и иных, за мношество и не помяненных[1151], заповедания, и вашего наказания не слушающии, – таковым не сообщайтеся[1152], и святыни всякия лишайте тыя[1153], яко прежднии святии патриарси соборне изрекоша и судиша[1154], дондеже от того престанут и совершенно со слезами, и моленми, и иными благодеянми истинно покаются. Не бо моя суть сия словеса, яко и пред рех[1155], но преждних святейших первопрестолников Всероссийских соборная изречения[1156] и суждения, заимствованая от древних святых отец, имже и аз (Л. 444 об.) всячески должен последовати и таяжде возвещати. Аще же вы отныне будете таковым послабляти[1157] или ласкати[1158], стыдящеся лиц силных и велмож, или ради прибытка мшелоимнаго, или инаго ради какова пристрастия, вы подлежати будете из чина[1159] священнаго извержению, а они – отлучению. Да не вашего ради[1160] нерадения и послабления, а оных непослушания Имя Божие похулится! Не восхощите убо погибнути с грехи чюждими, но добре пасуще кийждо паству свою, и по силе талант Владыце своему приплодивше, мзду от Богатодавца да наследите, жизнь вечную и Царство Небесное восприимете, еже буди всем нам, поучающим вы.
Вам же и оным, послушающым нас, получити и наследити благословение Господне, еже на всех слушающих да будет Того благодатию и человеколюбием всегда, ныне и присно и вовеки веков. Аминь[1161].
ОР ГИМ. Син. II (1196). Л. 437 – 444 об. Опубл. по списку РНБ. Ф. 550. О.I.72. Л. 274–280 (нач. XVIII в.): Есипов Г. В. Раскольничьи дела XVIII века. Т. 2. Приложение № 2. С. 64–72.
Приложение № 5[1698 г. июня 12.] – Коллективная челобитная мятежных стрельцов с изъяснением причин их выступления [1162]
(Л. 53) Великому государю царю и великому князю Петру Алексеевичю Великия и Малыя и Белыя России самодержцу многоскорбне и великими слезами холопи твои, московские стрелецкие полки, – второй, да прежде бывшей третей, что ныне четвертой, да десятой и первой надесят[1163], изволением Великого Бога, в Троице славимаго, Отца и Сына Святаго Духа, Царя царствующих и Господа господствующих, всем языком определившаго и избравшаго в наследие семя избранное, – народ христианский.
Служили мы, холопи твои, и прежде нас прародители, и де[ды], и отцы наши вам, великим государем, во всякий обыкновенной христианской[1164] вере и обещались до кончины жизни нашей благочестие хранити, якоже содержит Святая Апостолская Церковь[1165]. И в прошлом во сто девяностом году в попущение гнева Божия всеконечне стремление[1166] безчинства[1167] мы, холопи твои, радея о благочестии, удержали. И по вашему, великого государя, указу в пременении того времяни нас, холопей твоих, изменниками и бунтовщиками[1168] звать не веле[но][1169]. И по обещанию, как целовали крест святый, о благочестии непременно служим.
И в прошлом[1170] 203‐м году сказана нам, холопем твоим, служи[ть] вам, великим государем, в городех[1171] погодно[1172]. А в том же году, будучи под Азовым, умышлением еретика иноземца Францка Лефорта, чтоб благочестию великое препятие учинить, чин наш, московских стрелцов, подвед под стену безвременно, и ставя в самых нужных х крови местех, побито множество. Ево ж умышлением делан подкоп под наши шанцы, и тем подкопом он побил человек с триста и болши. Ево же умыслом на приступе под Азовым, что посулено было по десяти рубл[ей] рядовому, а кто послужит, тому повышение чином честь, и на том приступе, с которую сторону мы, холопи твои, были, тут побито премножество, что ни лутчих. А что мы, холопи твои, радея тебе, великому государю и всему п[ра]вославному христианству, город Азов говорили взять привал[ом], и то он отставил. Да он же, не хотя наследия нашего, христи[ан]ского, видеть, самых последних удержав под Азовым октября до 3‐го числа, а ис под Черкаскова 14 число пошел ст[епью], чтоб нас, холопей твоих, и до конца всех погубить. И, идучи, в той твоей государевой службе ели мертвечину, и премножество в той степи нас пропало