пророки, угоднику своему Моисею показа задняя своя[1191]. Моисей от сотворения мира был в четвертой тысяще, и книг[1192] прешедших лет до Моисея не писано. Моисей написа 5 книг Бытия и проч[ее], потом и иныя пророки писали предбудущая. И тако глаголами Божиими, реченными чрез пророков, Ветхая Церковь или закон держася[1193], и чрез та Писания людие познавали Бога и спасалися.
(Л. 6 об.) И в тех пророческих книгах объявлено Первое Пришествие Господа нашего Иисуса Христа, како родится от Духа Свята и Марии Девы, и бысть тако. Такожде объявляют пророческия глаголы и Второе Его Пришествие, егда приидет судити всему миру.
И в нынешней Церкви Христианнстей[1194] преданный всем христианом Символ – «Верую во Единаго Бога Отца Вседержителя» и проч[ее], – и аз, недостойный раб Господа Бога Григорий[1195], той Символ начасте прочитах, и всегда во уме своем разсуждах, (Л. 7) и всем глаголом Божиим, реченным в том Символе, верую всею душею и крепостию своею несумненно и спастися надеюся.
Таже рече Господь во Евангелии (Иоанн, 5 г[лава])[1196]: «Испытайте Писания, яко вы мните в них имети живот вечный»[1197].
И аз, взем из глаголов Божиих, реченных чрез пророков и апостолов, первое, о стоянии мира, написах.
«Даждь часть седмим и осмим, яко не веси, (Л. 7 об.) что будет лукаво на земли»[1198].
«Четыре царства востанут на земли, яже возмутся, и преимут Царство Вышняго, и возмут é до века и до века веков»[1199].
«Когда первому веку конец, а другому начало? И рече ко мне: „От Авраама даже до Исаака, егда рождени суть от него Иаков и Исав, конец века сего – Исав, а другаго (Л. 8) начало – Иаков“»[1200].
«Доколе не скончают времена, яко век погуби юность свою, и времена приближаются старетися, на дванадесят частей разделен есть век, и проидоша его десятыя и полдесятыя части, свыше суть его за полдесятыя части»[1201].
«Видех и се: свещник злат весь, и просветилце его верху его, и седмь светилник верху его, и седмь ячаиц светилником верхним его»[1202].
«Седмь поясов, глаголют, небесе, един другаго вышший, и на коемждо поясе быти едину планит»[1203].
«Видех ангела, с небесе низходящаго, имуща ключ безднны[1204] и ýже великое в руце своей, и связа сатану на тысящу лет». Андрей Кесарий тысящу лет связания сатаны полагает (Л. 9) от распятия Христова[1205].
«Да сочтет число зверино, число бо человече есть, и число его есть 666»[1206]. Все царства зверие именуются[1207]. В «Книге о вере» сия лета – 1000 и 666 – и лета Христовы числят воедино[1208].
Таже Даниил во главе 7‐й о единадесятом роге: «иже преспеет злобами вся, иже прежде его, и три цари смирит, и дастся в руку его (Л. 9 об.) до времени и времену и полвремени. И судище сядет, и власть его преставят»[1209].
«И дам обема свидетелема Моима и прорицают дней тысящу двесте и 60»[1210].
«Видех два ангела, вопрошающася, доколе скончание, яже нарече чудеса? Во время и во времени и в полвремене»[1211].
«От времене премену учащения дней 1290. Блажен терпяй и постигий во дни 1335»[1212].
«Лета убо неведения презрев Бог, яже ныне повелевает человеком всем всюду покаятися, зане уставил есть День, воньже хощет судити вселенней в правду»[1213].
(Л. 11–12) …[1214]
(Л. 13)
«И стах на песце морстем, и видех зверя, восходящаго из моря, имуща седмь глав, и рогов десять, и на рогах его десять диадим, а на главах его имена хулы. И зверь, егоже видех, бе подобен рыси, и нози ему, яко медвежи, и уста его, яко уста лвова»[1215].
Андрей Кесарийский, Мефодий, Ипполит и инии зверя сего Антихриста истолковаша[1216].
(Л. 13 об.) У Даниила пророка во главе 7 пишет:
Сими звери знаменуются четыре монархии.
Первый, аки лвица, – Вавилонская монархия.
Вторый, аки медведица, – Персидская монархиа.
Третий – рысь или пардус – Эллино Греческая монархиа.
Четвертый зверь, десяторожный, – Римская монархиа[1217].
А для чего сими имены четырех зверей назвался един зверь, (Л. 14) о сем пишет Андрей Кесарийский в толковании во Апокалипсии[1218]: «Сими 4‐ми монархиа[1219] державствовати будет Антихрист, аки римский царь грядущий и началство римское разоряющий, егда палцы ножныя скуделныя узрит»[1220].
Для чего сия четыре царства сими звериами именовалися, ихже виде Даниил, сих зверей нравы царие тех монархий будут иметь[1221]. (Л. 14 об.) О нравех зверей сих четырех монархий и о царех пространно пишет во книге «Хрисмологион»[1222].
Ангел Иоанну Богослову показа «жену, седящу на звере червлене, исполнену имен хулных, иже имеяше глав седмь и рогов десять, и на челе ея написано имя: тайна Вавилон великий»[1223]. (Л. 15) Той же ангел[1224] Иоанну рече: «Жену, яже еси видел, град есть великий, иже имать царство над цари земными. Седмь глав[1225] – горы суть седмь, идеже жена седит на них, и царей седмь. Зверь, иже бе и несть, и той осмый есть, и от седмих есть. Десять рогов, яже виде, десять царей есть, иже царства не прияша, но область, яко цари, един час со зверем приимут»[1226]. (Л. 15 об.) Ангел[1227] Иоанну седмь глав – седмь царей быти показа (Андрей Кесарийский вместо царей седмь царств назва: Ассирийское, Мидское, Вавилонское, Перское, Македонское, Ветхо Римское, Ново Римское[1228])[1229].
(Л. 16) По изчислению четырех монархий царей имена, колико в коей монархии было: первое – в Вавилонской, второе – в Персидской, третие – в Еллино-Греческой, четвертое – в Римской, вкупе же и Греческаго царства царие числятся, якоже пишет во книге «Хрисмологионе»[1230].
По сему вышеписанному сказанию у Иоанна по седмих царех осмый – Антихрист. И по Андрееву по седмом Греческом царстве, которое то (Л. 16 об.) царство, и царей бы в нем толикое число было.
Сочисление царей российских:
первый царь Иоанн Васильевич,
вторый царь Феодор Иоаннович,
третий царь Борис,
четвертый царь Василий Шуйский,
пятый царь Михаил Федорович,
шестый царь Алексий Михайлович,
седмый царь Феодор Алексеевич,
осмый царь Петр Алексеевич (прежде Иоанна избран на царство[1231]).
(Л. 17) Девятый царь Иоанн Алексеевич, десятая царевна София, и та писашася в титлах царем.
«Востанет царство на земли, и будут боязни вящши всем царством, иже быша прежде его: царствуют же в нем царей 12, един по едине по единому, иже вторый начнет царствовати, и той воздержит наипаче время на дванадесяте. И после времени царства (Л. 17 об.) того родятся рвения не мала, и погибнет[1233], яко да падет, и не падет тогда, но паки положится во свое начало. Воскреснут в том осмь царей, ихже будут времена лехчайши и лета скорозванни, двое бо от тех родятся, приближающи же времени, по четыре, сохранятся во врем