Антидор – освященный хлеб.
Великая вечерня, совершаемая в честь праздника святой мученице Татиане
На Господи воззвах стихиры, глас 8:
Стих: Из глубины воззвах к Тебе, Господи, Господи услыши глас мой.
Господи, аще и креститися претерпел еси, плотию безгрешне, освободити мир от греха хотя,/ но Бога тя мы ведуще славим,//крестився бо избавил от работы души наша.
Стих: Да будут уши Твои внемлюще гласу моления моего.
Господи, егда на Иорданския струи воплотився пришел еси,/ да освятиши воду славным Твоим Крещением,/ Иоанну твои верх преклонити изволил еси,// и крещаешися от раба да спасаеши души наша.
Стих: Аще беззакония назриши, Господи, Господи, кто постоит?/ Яко у Тебе очищение есть.
Господи, спасти восхотев от лести мир,/ егоже создал еси,/ из Неискусобрачныя Девы воплотитися изволил еси/ и Адама от тли избавил еси, яко Человеколюбец,//и крестився же даровал еси просвещение душам нашим.
Стих: Имене ради Твоего претерпех Тя, Господи, претерпе душа моя в слово Твое,/ упова душа моя на Господа.
Егда духа светом осиеваема богатно/ богатство возненавидела еси,/ едино возлюбивши небесное/ в мученическую крепость яве облеклася еси/ и к безмерным болезнем отлучалася еси./ Темже врага низложивши, победы исплела еси венцы,//мученице страстотерпице преславная.
Стих: Яко у Господа милость и многое у Него избавление,/ и Тои избавит Израиля от всех беззаконий его.
Егда смрад плоти и греха пламень честная угасила еси,/ росою божественнаго духа, содействующаго тебе,/ тогда звери обуздала еси посреде судища,/ тело твое предавши на раны мужески./ Темже врага низложивши, победы исплела еси венцы,//о Татиано богоблаженная.
Стих: Яко увердися милость Его на нас/ и истина Господня пребывает во век.
Ни меч, ни огнь, ни раны,/ ни скорби, ни глад, ни всякии вид мучения,/ твоего еже ко Господу притупиша рачения:/ разженным бо сердцем Того ищущи./ Вся видимая единощи оплевала еси, мученице,/ и внутрь Божественнаго чертога вселилася еси,//невеста Царя всех бывши.
Слава, глас 6:
Одесную Спаса предста дева,/ и страстотерпица, и мученица Татиана,/ одеяна добродетельми, непобежденна,/ и преукрашенна елеем чистоты,/ и кровию страдания,/ и вопиющи к Нему радостно, свещу держащи:/ В воню мира Твоего текох, Христе Боже,/ яко уязвихся Твоею Любови аз,/ не отлучи мене, Женише Небесныи./ Тоя молитвами,//низпосли нам, Всесильне Спасе, милости Твоя.
И ныне, глас 5: Зряще Тя естество всякое земнородных нага в водах,/ Содетеля, Крещения просяща,/ изменяшеся страхом и ужасашеся./ Предтеча же трепетом содержим бяше,/ не смея приближитися Тебе./ Море побеже, Иордан струи возврати,/ горы взыграшеся, зряще,/ и Ангельския силы удивляхуся, глаголюще:/ о, чудесе!/ Спас обнажается,//одеяти хотя во спасение человеки и обновление.
Пророчества Исаиина чтение (глава 43):
Тако глаголет Господь: вси языцы собрашася вкупе, и соберутся князи от них. Кто возвестит сия в них, или яже от начала, кто слышана сотворит вам. Да приведут свидетели своя, и оправдятся, и да услышат, и да рекут истину. Будите ми свидетели, и аз свидетель, глаголет Господь Бог, и отрок, егоже избрах, да познаете и веруете Ми, и разумеете, яко Аз есмь: прежде Мене не бысть ин Бог, и по Мне не будет. Аз есмь Бог, и несть разве Мене спасаяи. Аз возвестих, и спасох, уничижих, и не бе в вас чуждии. Вы Мне свидетелие, и Аз Господь Бог, и еще от начала Аз есмь: и несть от рук Моих избавляяй. Сотворю, и кто отвратит то. Сице глаголет Господь Бог, избавляяй вас Святый Израилев.
Премудрости Соломоновы чтение (глава 3):
Праведных души в руце Божией, и не прикоснется их мука. Непщевани быша во очесех безумных умрети, и вменися озлобление исход их, и еже от нас шествие сокрушение. Они же суть в мире. Ибо пред лицем человеческим аще и муку примут, упование их бессмертия исполнено. И вмале наказаны бывше, великими благодетельствовани будут, яко Бог искуси я, и обрете их достоины Себе. Яко злато в горниле, искуси их, и яко всеплодие жертвенное, прият я. И во время посещения их воссияют, и яко искры по стеблю потекут. Судят языком, и обладают людьми, и воцарится Господь в них во веки. Надеющиеся на Нь разумеют истину, и вернии в любви пребудут Ему. Яко благодать и милость в преподобных Его, и посещение в избранных Его.
Премудрости Соломоновы чтение (глава 4):
Праведник аще постигнет скончатися, в покои будет. Старость бо честна не многолетна, ниже в числе лет исчитается. Седина же есть мудрость человеком, и возраст старости, житие нескверное. Благоугоден Богови быв, возлюблен бысть, и живыи посреде грешник преставлен бысть. Восхищен бысть, да не злоба изменит разума его, или лесть прельстит душу его. Рачение бо злобы помрачает добрая, а парение похоти пременяет ум незлобив. Скончався вмале, исполни лета долга: угодна бо бе Господи душа его. Сего ради потщася от среды лукавствия. Людие же видевше и не разумевше, ниже положше в помышлении таковое: яко благодать и милость в преподобных Его, и посещение во избранных Его.
Стихира на литии, глас 4:
Девства добротами/ и мучении кровьми/ душу твою украсивши, мученице славная, Татиано,/ вручилася еси Создавшему,/ сохраняющему тебя во век истинно,/ о сем лукавствующи/ с воинствы архангел и ангел,/ апостол же и пророк,//и мученик ликостоянии, всехвальная.
Слава, и ныне, глас 8:
Днесь тварь просвещается,/ днесь всяческая веселятся,/ небесная вупе и земная,/ ангелы и человецы смешаются,/ идеже во царево пришествие, и чин приходит./ Тецем убо на Иордан, и видим вси Иоанна,/ како крещает верх нерукотворенный и безгрешный./ Темже ангельский глас припевающе, согласно возопием:/ явися благодать Божия спасительная всем человеком,//озирающи и подающи верным велию милость.
Стихиры на стиховне, глас 4
Подобен: Яко добля:
Мучительскому шатанию и наглому суровству/ помыслом супротивлышися мужемудренно,/ будщих предвидящи наслаждение, богомудренная,/ пребывающее присно во веки неподвижимо,/ еже и получила еси,/ от земли преставльшися к чертогам небесным,//и лику неразоримому, славная.
Стих: Дивен Бог во святых своих, Бог Израилев.
Царствия благолепие/ и доброту красную видити сподбилася еси жениха твоего Христа,/ украшена ранами твердаго твоего страдания,/ и источнику благих достоино приближилася еси./ Отонудуже Божественнаго веселия плод богатно прияла еси, блаженная,//и бессмертную славу.
Стих: В церквах благословите Бога,/ Господа от источник Израилевых.
Ни иго работное,/ ни слабость женская,/ ни глад, ни раны запяша ти/ мученичестей твердости уподобитися, всеславная,/ усердием души муки претерпела еси./ Отонудуже получила еси небесныи чертог,/ и венцем благодати украсилася еси/ предстоящи Зиждителю твоему.
Слава, глас 5
Самоподобен: Радуися Живоносныи Кресте:
Девства твоего красоты восхоте Царь Славы Христос,/ яко непорочну тя невесту Себе обручи,/ совокуплением нетленным,/ ибо волею Своею подав доброте твоеи силу,/ на враги же и страсти непобедиму показа,/ претерпевшу раны горькия, и муки свирепыя,/ сугубым венцем увязе тя,/ и постави одесную себе яко царицу испещрену/ Того моли, мученице честная и многострадальная Татиано,//певцем твоим спасение и жизнь подати и велию милость.
И ныне, глас 6 (самоподобен):
Воспоим вернии,/ еже о нас Божия благодеяния величество,/ о нашем бо прегрешении быв человек,/ нашим очищением очищается во Иордане,/ един Чистый и Нетленный,/освящаяй мене и воды,/ и главы змиев сокрушаяй в воде./ Почерпем убо воду с веселием, братие,/ благодать бо Духа верно почерпающим/ невидимо подавается от Христа Бога//и Спаса душ наших.
Тропарь святыя, глас 4:
Агница Твоя Иисусе Татиана/ зовет велиим гласом:/ Тебе, Женише мои, люблю/ и, Тебе ищущи, страдальчествую,/ и сраспинаюся и спогребаюся крещению Твоему,/ и стражду Тебе ради,/ яко да царствую в Тебе и умираю за Тя,/ да и живу с Тобою,/ но яко жертву непорочную приими мя, с любовию пожершуюся Тебе.//Тоя молитвами, яко милостив, спаси души наша.
Тропарь праздника, глас 1:
Во Иордане крещающуся Тебе, Господи,/ Троическое явися поклонение:/ Родителев бо глас свидетельствовавше Тебе,/ возлюбленнаго Тя Сына именуя,/ и Дух в виде голубине,/ извествовавше словесе утверждение,/ явлейся, Христе Боже,//и мир просвещей, слава Тебе.
У меня в жизни все связано со святой Татьяной. Меня зовут Татьяна – в честь бабушки, которая, собственно, меня и воспитывала. Мама с отцом за границей жили (отец у меня военный, его то в Югославию, то в Германию, то в Польшу направляли), а я с бабушкой – в Ленинграде. И в школу тут же ходила. У меня и любимая учительница была Татьяна Федоровна! И крестную мою звали Татьяна. Так вот я и выросла в окружении Татьян. Бабушка моя была очень верующая, хоть и коммунистка. Вот представьте себе: активная была такая, партийные собрания у себя на заводе проводила, а по воскресеньям в церковь ездила, на другой конец города, на Охтинское кладбище (чтобы, значит, знакомые ее не видели и не донесли). Я когда подрастать начала, стала спрашивать – как же так, почему она и коммунистка, и верующая одновременно. А она мне такую историю рассказала. Было это в 1942 году. Их с матерью (моей прабабушкой) тогда эвакуировали из Ленинграда, где-то во Псковской области они в деревне у одной старушки жили. А сын этой старушки был коммунист, но на войну его не пустили. Он начальник МТС был (моторно-тракторной станции). На нем техника колхозная – отвечал за нее. Вот, вошли в деревню немцы и первыми схватили – кого бы вы думали? Нет, не коммунистов, а священника с семьей. И заперли в церкви, а охранять поставили этого Володю, потому что знали: он коммунист, должен попов ненавидеть. Ой как его люди тогда проклинали! Родная мать – эта старушка – от него отреклась. Стоит он у церкви, а она подошла к нему и прямо в лицо плюнула! Бабушка моя тогда с местными детишками в снежки рядом играла, все это видела. А этот Володя грустный-грустный такой стоял и только произнес: «Мать, зря ты так… Лучше я их охранять буду, чем кто-то из немцев». В тот же день собрали немцы на п