морной всякими цветы, что молния с небеси; а кандилом всемъ стоящимъ верху гроба Господня безо огня; и видевше вси людие таковое человеколюбие Божие и возрадовашася радостию великою зело, испущаху многи слезы от радости. Патриархъ же Софроний вниде единъ в пределъ гроба Господня, имуща во обоих рукахъ свеща многа вскрай гроба Господня. И сниде огнь з гроба Господня, яко молния на руки патриаршеския на свещи, и абие загорешася свеща в патриаршескихъ рукахъ предо всеми людми. И насъ сподобилъ Богъ видети. Ту же на гробе християнское кандило загорелося, а от иныхъ веръ ни едино кандило не загорелося. Патриархъ же изыде ис престола от гробницы, имуща во обоихъ рукахъ свеща многа горящия великия пуки, изнесе огнь ис предела от гроба Господня. Ста патриархъ посторонь предела Господня на высокомъ месте, бе бо ему на то учинено. Народ же окрестъ его стоящи, христиане зажигают огнь по всей церкви и по святым местом свещи и кандила. И понесоша тотъ огнь по домех своихъ для благословения и держатъ во весь годъ в домехъ своихъ. А которые свещи изнесе патриарх
Лист 351, рис.110.
Рис.110.Лист 351.
от гроба Господня, и тотъ огнь, иже в патриаршескихъ рукахъ, не жжетъ человеческихъ рукъ, развее свеща; а тотъ огнь, иже во християнскихъ руках, и от него все горитъ. А латыни и все еретики и игумены и попы взимаютъ огнь на гробе Господни от християнскаго кандила и своя свещи и кандила зажигают, а патриархъ имъ из своихъ рукъ огня не даетъ и от нихъ удаляется и совету с ними не творитъ. И абие пойдетъ патриархъ со християны ко святым местам со слезами Богу молящеся и потомъ идетъ во свою церковь к Воскресению Христову. И абие начинает чтецъ чести паремъи, потомъ начаша все по ряду Божественную пети литоргию во второмъ часу нощи, и по Божественней литоргии сядетъ патриархъ во церкви и со християны и вкуситъ мало хлеба и мало вина с водою испиша, и начаша чести Деание апостольское. Церковь же великая деломъ добре мудра и вся мусиею утворено и златомъ подписано; а гробъ Господень не покрытъ покровомъ, точию цка мраморна, и ничемъ не подписана.
О вере еретиковъ. Дивно же бе исповедати видехъ в ту нощь во церкви еретиковъ бесящихся и неистовство их. Арменове ходятъ — един от нихъ ходитъ пред ихъ владыкою, а звонитъ в колоколецъ, а дьяконъ ходитъ пред тем же владыкою назад пяты с кандиломъ и кадитъ его. Ариане же тако, какъ и Армены. Хабежи ходят круг гроба Господня, и есть у нихъ четыре бубна велика; и ходят круг гробницы и бьяше по темъ бубномъ и скакаше и плясаше, яко скоморохи; а инии назадъ пяты идяше и скакаше, яко бы скоморохи. И дивихомся человеколюбию Божию, како терпитъ,
Лист 351 оборот, рис.111.
Рис.111.Лист 351 оборот
не могий бо человекъ на торжище таковаго безчиния видети. А Готфы во свое пение козногласуютъ, бьютъ обходя кругъ гроба Господня молоткомъ в билцо или в камень, аки в трещетку. Се же видехомъ во церкви кругъ гроба Господня бесящихся и о томъ мы грешнии почудилися великому человеколюбию Божию, како терпитъ намъ грешнымъ и нашему беззаконию.
И абие пред зарею патриархъ облечеся во святительскую одежду, исполни всю церковь воня благоухания змирно и фимиян; патриархъ же вземъ крестъ и возгласи великим гласом: «Христосъ воскресе!» Певцемъ же поющемъ тоже и пояху все по ряду и по обычаю утрению и во всей великой церкви по пределом начнутъ пети заутрению и по времяни божественную литоргию. Идетъ патриархъ из церкви и с нимъ християны с великою радостию празднуют неделю всю, веселящеся духовне, а не телесне, ни пиянством. А церковь погании Турки замкнутъ и запечатают. Патриархъ же оставляетъ внутръ великия церкви священника чернаго и диякона и пономаря, да не останетъ трапеза старая без божественнаго пения, и приносятъ им пищу от патриарха и подаютъ в окно, что на великих дверехъ церковныхъ; а за стеною великия церкви придела, патриаршеская келейца, и в той келье пребываютъ те люди неисходимы.
А на десной стране исходя из церкви колоколница велика, велми высока, на четырехъ столпехъ каменныхъ мраморныхъ. Потъ тою же колоколницею стоятъ три церкви: храмъ Воскресение Христово, а одесную сторону четыредесятъ мученикъ иже в Севастии, и дворъ патриаршеский приделанъ ко святымъ местамъ. А по левую сторону великаго притвора есть приделъ на месте, где показал аггелъ Аврааму вознести Богу жертву: заклати сына
Лист 352, рис.112.
Рис.112.Лист 352
своего Исаака. На той же стороне стоитъ темница на осуждение повинныхъ; в той же темнице сиделъ великий во пророцехъ Иваннъ Предотеча от безбожнаго царя Ирода.
И у великия церкви на восточную сторону пошед мало, вержениемъ от лука стрелы дважды, стоит церковь чюдна, вельми высока, по еврейскии зовется Ероя, а по руский Святая Святыхъ. Егда созда святый град Иерусалимъ повелениемъ Июдейскаго царя Салима и совокупиша церковное имя с царскимъ имянем и приложиша граду тому имя Иерусалимъ; прежде бо нарицашеся место то Еввусей. Соломон же созда ту церковь повелениемъ аггела Господня, со Июдеи ту церковь здаше четыредесят пять летъ. И егда прииде Господь Иисусъ Христосъ во святый град, и рече на сонмищи пред тою церковию о церкви тела Своего: «Разорите церковь сию — треми деньми созижду». Июдеи же не разумеша, что рече Господь нашь, бе бо имъ не дано разумети свыше; и реша в себе Июдеи: «Создана бысть церковь сия четыредесятъ пять летъ». В той же церкви прият праведный Симеонъ на руку Христа и глагола: «Ныне отпущаеши раба Своего, Владыко (весъ до конца)».
От той же церкви близ на восточную страну у горе Елеонстей стоят врата железныя великия, не входимо в нихъ никому и не отверзутся и до днесь: в те врата въехалъ Господь нашъ от Вифании на жребяти осли. Из горы Елеонския дети ихъ Еврейския резаху ветви от древесъ и постилаху по пути от техъ вратъ и до церкви, пояху: «Благословенъ грядый во имя Господня! Осанна вышнихъ!» И пришедъ Господь нашъ к той церкви на жребце осли; и пред тою церковию пред враты лежитъ камень дикой, широкъ, на четыре углы. И въехалъ Господь нашь Иисусъ Христосъ на тотъ камень и позналъ камень Создателя своего и ста под жребцемъ аки воскъ мякокъ и вообразишася стопы жребцовы
Лист 352 оборот, рис.113.
Рис.113.Лист 352 оборот
в тотъ камень до полу копытца глубоки, знать и до сего дни. Ис тое же церкви Господь нашь Иисусъ Христосъ изгна торжники, продающия овца и голуби и птицы опроверже и пенязя рассыпа и рече имъ: «Не творите дому купленаго, домъ бо молитвы, домъ Отца Моего». В ту же церковь введена бысть пречистая Богородица трею летъ сущи, и хранена бысть и питаема от руки аггеловы дванадесят летъ.
Пред тою же церковию вне церкви и вратъ стоит смуравана невелика церковь, а в ней стоитъ мерило праведное, сотворено мудрымъ Соломономъ: кабы скалы висятъ две чаши железныя велики, черны, на железных челяхъ. А варки без меры — от единыя свещи невеликия ставятся на земли. Церковь же создания Соломонова разбита бысть царемъ Титомъ до основания: одно осталось мерило праведное ничим же не вредимо. А ныне на томъ месте погании Турцы учиниша свою мечеть; а християне тамо не входятъ, развее кто дастъ поминокъ яничаромъ, и они его пустятъ татемъ видети мерило праведное. О той же пророкъ Давыдъ и царь рече церкви Божии: «Боже, приидоша языцы въ достояние Твое, оскверниша церковь святую Твою».
О левую же сторону две церкви под горою, домъ святых праведныхъ богоотец Иоакима и Анны, и в томъ дому сотворена церковь во имя ихъ, да пещера каменна, где родися пречистая Богородица, ис тое пещеры два оконца вверхъ; а сказываютъ, что единымъ окномъ вниде аггелъ благовестити о Зачатии и о Рожестве Святыя Богородицы, а другимъ оконцемъ выиде аггелъ Господень; а до того, сказываютъ, техъ оконцовъ в пещере не было. А живутъ в том дому Турки, а христиане не входятъ помолитися, и погании Турцы емлютъ с нихъ поминки, таже и в церковь пустятъ. В том же дому стоит древо
Лист 353, рис.114.
Рис.114.Лист 353
Дафинъ, на нем же виде святая Анна гнездо птичье и молитву творяще под нимъ, и стоитъ то древо и до сего дни цело. И близ дому место, глаголемая Вифезда, пять притворъ имущи, купель с водою, иже аггелъ Господень возмущаше воду; а ныне в той купели есть немного воды; а купель как яма стоитъ или прудок невеликъ; а домъ Вифезда, пять притворъ имущи, разбита до основания; а владеютъ Турки. И близ того места ровъ пророка Иеремея иже в калъ бысть ввержен возле градскую стену. Од дому святыхъ праведныхъ Иоакима и Анны пошед мало на гору дому Пилатовъ, в нем же судили пребеззаконнии Июдеи Господа нашего Иисуса Христа, Судию всего мира; и в томъ дому судъ есть и доныне: судитъ санчакъ градцкихъ людей. И от того дому пошед мало на другой стороне улицы под горою домъ Анны и Каиафы, засыпан землею. Егда Господа нашего Иисуса Христа распяша Июдеи по распятии Господа нашего Иисуса Христа повелеша крестъ Христовъ и два разбойничья сохранити в гору и разумеша, что будетъ взыскание о кресте, и помыслиша своимъ злосердиемъ хотеша утаити Божественный промыслъ, но не возмогоша и повелеша на гору землю и соръ сыпати всему граду, и засыпаша ту гору землею. И Божиею волею, егда прииде царица Елена от Царя града во Иерусалимъ на взыскание честнаго креста и пришедъ во Иерусалимъ известно уведав о кресте Господни и повеле ту гору очищати и ту землю сыпати на домъ Аннинъ и Каиафинъ и тою землею засыпаша домъ ихъ.
О дому Давыдове.
А от западныя страны стены града у градцкихъ вратъ великихъ, въ ня же входятъ от Египта и от Лиды, дом Давыда пророка и царя возле градцкую стену. А круг дому ровъ каменный копан, как кругъ града, и вымурован; а через
Лист 353 оборот, рис.115.
Рис.115.Лист 353 оборот
ровъ мост, из дому врата великия, как градцкия, а в техъ вратехъ пушки лежатъ и сторожи. А християн в тот дом не пускаютъ; стоят у того двора Турки и яничаре. А величеством дому того от лука стреле вержениемъ дважды попереъ; а хоромъ в нем нетъ, разве полаты царя Давыда, из нея же виде царь Давыдъ Вирсавию мыющуся во ограде, а до ограды од дому Давыдова вержениемъ от лук