«О всеблаженный святителю Спиридоне, великий угодниче Христов и преславный чудотворче! Предстояй на небеси Престолу Божию с лики Ангел, призри милостивым оком на предстоящии зде люди (имена) и просящия сильныя твоея помощи. Умоли благоутробие Человеколюбца Бога, да не осудит нас по беззаконием нашим, но да сотворит с нами по милости Своей! Испроси нам у Христа и Бога нашего мирное и безмятежное житие, здравие душевное и телесное, земли благоплодие и во всем всякое изобилие и благоденствие, и да не во зло обратим благая, даруемая нам от щедраго Бога, но во славу Его и в прославление твоего заступления! Избави всех, верою несумненною к Богу приходящих, от всяких бед душевных и телесных, от всех томлений и диавольских наветов! Буди печальным утешитель, недугующим врач, в напастех помощник, нагим покровитель, вдовицам заступник, сирым защитник, младенцем питатель, старым укрепитель, странствующим путевождь, плавающим кормчий, и исходатайствуй всем, крепкия помощи твоея требующим, вся, яже ко спасению полезная! Яко да твоими молитвами наставляеми и соблюдаеми, достигнем в вечный покой и купно с тобою прославим Бога, в Троице Святей славимаго, Отца и Сына и Святаго Духа, ныне и присно и во веки веков. Аминь».
Молитва вторая святителю Спиридону Тримифунтскому о безбедной жизни
«О преблаженне святителю Спиридоне! Умоли благосердие Человеколюбца Бога, да не осудит нас по беззаконием нашим, но да сотворит с нами по милости Своей. Испроси нам, рабам Божиим (имена), у Христа и Бога нашего мирное и безмятежное житие, здравие душевное и телесное. Избави нас от всяких бед душевных и телесных, от всех томлений и диавольских наветов. Поминай нас у престола Вседержителя и умоли Господа, да подаст многих наших грехов прощение, безбедное и мирное житие, да дарует нам, кончины же живота непостыдныя и мирныя и блаженства вечнаго в будущем веце сподобит нас, да непрестанно возсылаем славу и благодарение Отцу и Сыну и Духу Святому, ныне и присно и во веки веков. Аминь».
Молитва святителю Тихону Задонскому о безбедной жизни
Святитель Тихон жил в XVIII веке на Руси. Много сил он отдал на благотворительность, помогая бедным и нуждающимся, в том числе заключенным в тюрьмах.
«О всехвальный святителю и угодниче Христов, отче наш Тихоне! Ангельски на земли пожив, ты яко ангел благий явился и в давнем твоем прославлении: веруем от всея души и помышления, яко ты, благосердый наш помощниче и молитвенниче, твоими неложными ходатайствы и благодатию, от Господа обильно тебе дарованною, присно способствуеши нашему спасению. Приими убо, ублажаемый угодниче Христов, и в час сей наша недостойная моления: свободи ны твоим заступлением от облегающаго нас суесловия и суемудрия, неправоверия и зловерия человеческаго; потщися, скорый о нас предстателю, благоприятным твоим ходатайством умолити Господа, да пробавит Своя великия и богатыя милости на нас грешных и недостойных рабов Своих (имена) , да уврачует Своею благодатию неисцеленныя язвы и струпы растленных душ и телес наших, да растворит окаменелая сердца наша слезами умиления и сокрушения о премногих согрешениих наших, и да избавит ны от вечных мук и огня геенскаго; всем же верным людем Своим да дарует в нынешнем веце мир и тишину, здравие и спасение и во всем благое поспешение, да тако, тихое и безмолвное житие поживше во всяком благочестии и чистоте, сподобимся со Ангелы и со всеми святыми славити и воспевати всесвятое имя Отца и Сына и Святаго Духа во веки веков».
Молитва Святой Ксении Блаженной о защите от бедности и прочих бед
Ксения Блаженная – известная в православии подвижница (XVII–XIX вв.), оставившая знакомым свой дом после смерти мужа и совершившая подвиг юродства Христа ради. К святой обращаются с просьбами о защите от всяких бед и болезней.
«О святая всеблаженная мати Ксение! Под кровом Всевышняго жившая, ведомая и укрепляемая Богоматерию, глад и жажду, хлад и зной, поношения и гонения претерпевшая, дар прозорливости и чудотворения от Бога прияла еси и под сению Всемогущаго покоишися. Ныне Святая Церковь, яко благоуханный цвет, прославляет тя: предстояще на месте погребения твоего, пред образом твоим святым, яко живей ти, сушей с нами, молимся ти: приими прошения наша и принеси их ко Престолу Милосердаго Отца Небеснаго, яко дерзновение к Нему имущая, испроси притекающим к тебе вечное спасение, и на благая дела и начинания наша щедрое благословение, от всяких бед и скорбей избавление, предстани святыми твоими молитвами пред Всемилостивым Спасителем нашим о нас, недостойных и грешных, помози, святая блаженная мати Ксение, младенцы светом Святаго Крещения озарити и печатию дара Духа Святаго запечатлети, отроки и отроковицы в вере, честности, богобоязненности и целомудрии воспитати и успехи в учении им даровати; болящия и недугующия исцели, семейным любовь и согласие низпосли, монашествующим подвигом добрым подвизатися удостой и от поношений огради, пастыри в крепости духа утверди, народ и страну нашу в мире и безмятежии сохрани, о лишенных в предсмертный час причащения Святых Христовых Тайн умоли: ты наша надежда и упование, скорое услышание и избавление, тебе благодарение возсылаем и с тобою славим Отца и Сына и Святаго Духа, ныне и присно и во веки веков. Аминь».
Если партнер по бизнесу или человек, от которого зависит ваше благосостояние, настроен недоброжелательно, можно мысленно нарисовать крест на его лбу или лице: сверху вниз и слева направо. Этого человека покинет искушение, и ваше материальное положение из-за него не ухудшится.
Молитва первая святому мученику Иоанну Воину о возвращении украденного или потерянного
О том, чтобы снова обрести украденные или утраченные по другой причине вещи и средства, обличить воров, просят Иоанна Воина, который при жизни (IV век, Римская империя) помогал христианам и заступался за них во время гонений на христианскую веру.
«О, всехвальный, святый великомучениче и чудотворче Иоанне Воине! Моли с нами и о нас Человеколюбца Бога, да не осудит нас по беззаконием нашим, но да сотворит с нами по велицей Своей милости. Испроси нам у Христа Бога нашего тихое и Богоугодное житие, здравие же и во всем благое поспешение, земли плодородие, во всем изобилие и вся ко спасению и житию временному потребная. О, святый страстотерпче Иоанне! Ныне пред честною твоею иконою припадающе и покланяющеся тебе, молим тя: яви многомощное заступление всем сущим в напастех, скорбех и болезнех, и избави нас от всякаго зла и от обидящаго человека, моли Всещедраго Триипостаснаго Бога, да подаст православным христианом на супостаты одоление, и да укрепит и благословит непременяемым миром и благополучием, яко да твоею помощию и крепким поборством посрамятся вси являющии нам злая, огради нас святыми твоими молитвами во вся дни жизни нашея, умоли Милостиваго Владыку всех, да дарует нам христианскую кончину жития нашего безболезненну, непостыдну, мирну, Божественных Тайн причастну; по исходе же нашем от жития сего да оградит нас святых ангел ополчением, во еже избавитися нам от козней диавола и тяжких воздушных мытарств его, и неосужденным предстати Престолу Господа славы, и Того со всеми святыми славити в Небеснем Царствии Его во веки веков. Аминь».
Молитва вторая святому мученику Иоанну Воину о возвращении украденного или потерянного
«Oт Юлиана, царя безбожного, убиение христиан послан быв, святый Иоанне Воине, одним от имения своего ты помогал, других же, убеждая бежать от мучения неверными, освобождал, и многия за это муки и заточение в темнице от мучителя претерпел. По смерти нечестивого царя, будучи выпущен из темницы, ты в великих добродетелях до кончины своей остаток жизни провел, чистотою, молитвою и постом украшаясь, нищим изобильную милостыню подавая, немощных посещая и утешая скорбящих. Поэтому во всех печалях наших помощника и во всех, случающихся с нами бедах: утешителя имеем тебя, Иоанн воинственник: прибегая к тебе, молим тебя, будь страстей наших исцелитель и страданий наших душевных избавитель, потому что ты от Бога получил власть полезное ко спасению всем подавать, приснопамятный Иоанн, странников питатель, пленных освободитель, немощных врач: сирот помощник! Воззри же на нас, чествующих священнорадостную память твою, ходатайствуй за на пред Господом, чтобы быть нам наследниками царства Его. Услышь и не отринь нас, и поспеши на заступление нам, стратилат Иоанн, воров и похитителей обличающий, и хищения, втайне ими совершаемым верно молящиеся тебе открывающий тебе, и возвращением имущества в радость приводящий людей. Обида и несправедливость тяжелы каждому человеку, каждый печалится о потере украденного, или без вести пропавшего. Внемли же сетующим, святый Иоанн: и имущество похищенное помоги отыскать, чтобы, найдя его, они прославили Господа за щедрость Его во веки. Аминь».
Молитва священномученику Харлампию о хорошем урожае и плодородии
Такую молитву читают, прося у Святого Харлампия заступничества в материальном благополучии, изобилия даров природы. Священномученик Харлампий при жизни (II в. нашей эры) был епископом в городе Магнезия (Греция), которого подвергли страшным мукам император Септимий Север и его подчиненные. Несмотря на испытываемые муки, святой молился Богу о нуждах других людей, в том числе своих врагов, и все его молитвы были исполнены.
«О пречудный священномучениче Харалампие, страстотерпче непреодоленный, священниче Божий, о всем мире ходатайствуяй! Призри на моление нас, почитающих святую память твою: испроси нам у Господа Бога прощение грехов наших, да не до конца прогневается на нас Господь: согрешихом бо и недостойни явихомся милосердия Божия: моли о нас Господа Бога, да низпослет мир на грады и веси наша, да избавит нас от нашествия иноплеменников, междоусобныя брани и всяких раздоров и нестроении: утверди, священномучениче, веру и благочестие во всех чадех православныя христианския церкве, и да избавит нас Господь Бог от ересей, расколов и всякаго суеверия. О милосердый мучениче! Молися за ны ко Господу, да сохранит от глада и всяких болезней, и да подаст нам изобилие плодов земных, скотов умножение на потребу ч