глашающи ми ся никому же. И тако сподобихся внити в церковь и святых мощеи прикоснутися. И в тои час выбистася ногти рук моих ис тѣлесе моего, а единако закорчены[833] бяху, а рѣзание же от ногтеи, еже страдах, преста тѣлу моему, яко же днесь[834] и сами видѣсте, где были врѣзалися ногти ты. Аз же, господине, отъидох, благодарящи Бога, получивши малу ослабу, надѣющися приити во грядущее лѣто. И тако оттолѣ и донынѣ по вся дни бях молящи Бога и великаго Сергия призывах на помощь. Иже и нынѣ приидох и получих неизреченнаго здравиа молитвами чюдотворца Сергиа». И тако игумен поучив еа, еже имѣти страх Божии и цѣломудрие и воздержание. И тако по триех днех отпусти еа к Москвѣ, а ногтии тѣх, котории отрасли бяху, не повелѣ еи ножем отрѣзовати, но яко же Г осподь восхощет. Она же прииде на Москву, проповѣдающи всѣм величиа Божиа, ногты же еа лишнии отрастшии днии в десять, а инии отрастшии днии в девять, а инии по двадесятих, вси отпадоша, а осташася естествении, яко же преже.
В ту же суботу Святого Духа безчисленое множьство уже приидоша, мужи и жены, от различных градов и стран, яко же обычаи, вси, кииждо коимждо недугом одержими, прикасахуся мощем святого Сергиа и исцѣлевахуся. В них же прииде от Москвы нѣкоторыи человѣкъ от церкве съборныя каменыа, еже есть Лазарь святыи, иже бѣ у нея стражь, водя съ собою сына отроча, яко лѣтом двою на десятим. Отрочищу же бѣ имя Афонасие, смущено от духа нечиста. И прииде въ церковь, и едва возможе доити пономоря со отрочатем. И глаголаше понамарю: «Что бы, господине, к мощем святого отрочати моему прикоснутися». Глаголаше бо отець его: «Спящу бо ему, рече, на великомученика Георгиа день весны сеа, и тако устрашився, вниде во нь лукавыи, и въстав смущен и кричаше необычно. Аз же, отець его, приидох, велях ему перекреститися и глаголати: «Господи, помилуи». Он же никако же хотяше прекреститися, ни же глаголати «Господи, помилуи», и ни же въ церковь внити, аще не нужею привлечен будет, молитвы же Исусовы отбѣгаше. И тако нынѣ приидох к великому Сергию, требуя исцѣления». Пономарь же, яко же и прочим требующим, отверзе раку. Отроча же въскрича, глаголя: «О батько, — родителю своему, — не умори мя, напрасно жжет мя». И тако избѣже из церкви. И пономарь сказа игумену о нем. Игумен же повелѣ неотступну быти ему от мощеи святого. И тако всенощному пѣнию совершившуся, и тои весь день в неделю Съшествие Святого Духа отець его дерѣжаше отроча у гроба святого. Игумену же и мнозѣи братии нудящим его прекреститися или помолитися, или поклонитися. Он же кричаше, глаголя: «Не хощу, не молюся». И тако в понеделник Святого Духа, на утрени, приступив игумен ко отрочати, повелѣвает ему прекреститися и поклонитися чюдотворцеву гробу. Отроча же с радостию и прекрестися, и поклонися, глаголя: «О Святаа Троица и святыи Сергие, избави мя от врага сего». И в тои час приступив, и прикоснуся мощем святого.[835] И тако от того часа здрав бысть и покланяшеся пред всяким старцем, глаголя, яко «вашими молитвами, отци святии, избави мя Богъ от злаго врага, губящаго душу мою». И пребыша в монастыри дни четыре, тако отиде отець его, здраво имѣя отроча, хваля и славя Бога и святого.
Инъ же человѣкъ прииде от Ерославля града, еще юнъ сыи, нѣмъ. Иже пришед, приложися к мощем святого и тако проглагола чисто, яко же и преже. Глаголаше же, яко прешедшу третиему лѣту, случи ми ся в великии страстныи пяток въстати от сна, и се затвористася очи мои и пребых всячьски слѣпъ, и хожах с вожем. И идох в Ростов къ чюдотворцу Леонтию и паки возвратихся в дом свои. И пришедшу на второе лѣто великому пятку, востах от сна, и се отверзостася очи мои и зрях чисто все. Затворижеся языкъ мои и пребых нѣм. Иже слышах о чюдесѣх преподобнагоСергиа, и приидох сѣмо с вѣрою и получих исцѣление от святого, яко же видите.
Другии же отрокъ приведенъ бысть от рязаньских бояръ, Селивестровъ сынъ, от града Ярославца, имѣя духа нечиста, иже мнозѣ мучаше его, и неподобная глаголаше, и ризы на себе разрѣзоваше, и никто же можаше его утолити. И тако пребыв у гроба чюдотворцева, исцелѣ. Не отъиде в дом свои ко отцу и матери, но ту в монастыри и пострижеся, иже и донынѣ есть в послушании, служа работу монастырскую.
Публикуется по рукописи Син. № 637, л. 54 об.
По семъ кто изъчтеть чюдотворца святого Сергиа чюдеса непрестанно бываемая. В лѣто 6957, мѣсяца маия въ 31, на Сшествие Святаго Духа, черноризица именемъ Маремиана прииде от града Коломны къ гробу святаго, руцѣ имуще обе сухѣ, загбеныи составов за хребетъ и ноготми в ребрѣх утверженны. И всему народу зрящи и чюдящимся: от ребръ отвалишася, здрава бысть. И отрока именемъ Афанасия бѣснующася, ни именовати хотяща имени святого Сергия, бесчинно кричяща, исцѣли, и неотступенъ бысть святаго ракы. И другаго отрока именемъ Семеона косноглаголива язык исправи. Ти же вси исцѣлиша вкупѣ въ едины часы. И пребыша дни доволни въ обители святаго, радующеся и славяще Бога, аще бы имъ и не отъити въ своя имъ домы и ни мало отступити от ракы святаго.
VI. Книга о новоявленных чудесах преподобного Сергия Радонежского. Творение Симона Азарьина
Печатается по рукописи МДА, N° 203. Утраты текста и пропуски восполняются по списку МК РГБ, собр. М. И. Чуванова, инв. № 8386 (далее: Ч) и заключаются в квадратные скобки. По этому же списку даются основные (смысловые) разночтения.
1. О чюдеси святого Сергия, како[838] изцели жену слѣпу.
2. О умножении муки от малого сусечца.
3. О гласе, бывшемъ ключарю Иванну и о изцелѣнии инока розслаблена и отрока нѣма.
4. О лодьѣ, како спасена бысть и с людми от потопления на море.
5. О чюдеси чюдотворца, како спасе человека на море от потопления.
6. О изцелении беснаго.
7. О изцелѣнии жены бесные.
8. О боярине Иване Никитиче Романове, како спасенъ былъ на пути от озлобления и от юз.
9. О явлении чюдотворца Сергия Козмѣ Минину и о собрании ратныхъ людей на очищение государьству Московскому.
10. О велможи нѣкоемъ, иже похуливъ ѣству монастырьскую.
11. О хожѣнии с образомъ на спорную землю.
12. О послѣхъ, иже от моря спасены[839] быша[840].
13. О полковнике Лисовскомъ, како погибе, хваляся на обитель чюдотворца Сергия[841].
14.[842] О женѣ, изцелѣвшей молитвами Святого.
15. О неисполнении обещания.
16. О прозрѣнии инокини[843].
17. О изхожении из обители, како гнѣв Божии бывает сего ради.
18. О юноше нѣкоемъ, иже смятеся умомъ и изцелѣвъ молитвами Святого.
19. О отроке, како спасенъ бысть от разбойникъ.
20. О слугѣ монастырьскомъ, како спасен бысть от разбойникъ.
21. О падении полатъ.
22. О падении подвязей.
23. О утопшемъ, како спасенъ бысть молитвами Святого.
24. О счете монастырьские казны.
25. О новоявльшемся кладези, его жеГосподь Богъ дарова внутрь обители.
26. О изцѣлении от новоявленные воды дьяку Григорию Одинцову.
27. О дву человѣках, како спасены бысть от потопления.
28. О иноке, како спасенъ есть от разбойник[844].
29. О падшемъ человеке с науголные башни.
30. О изцелѣнии нутреные болѣзни велможи нѣкоего водою новоявленного кладязя.
31. О изцелѣнии от новоявльшагося[845] кладезя[846].
32. О тои же святой водѣ, како изцелѣние бысть боярской дщери.
33. О князе Семене Шеховскомъ, како спасен бысть от моря.
34. О сложении кондаков[847].
35.[848] О изцѣлении разслабленные.
36. О тате, иже колокола покраде.
37. О поклѣпной тяжбе.
38. О инокине разслабленной.
39. О пожаре, како утолися от образа Сергиева.
40. О изсцелѣнии дьякона и дщери его.
41. О изцѣлении болѣзни святѣйшему Иосифу патриарху.
42. О трегубомъ изцелѣнии боярину князь Алексѣю Михаиловичю Лвову.
43. О церковнике, иже от болѣзни изцелѣнъ молитвами Святого.
44. О пожаре, иже оугасе молитвами Святого.
45. О изцелѣнии иерѣю праваго уха.
46. О слугѣ нѣкоемъ, на него же каменная стена паде и изцелѣнъ бысть.
47. О христианех Сергиевых, како преѣхавше реку Волгу молитвами Святого.
48. О изцелѣнии очной болѣзни архимариту Андрѣану.
49. О пожарѣ, бывшем на Житномъ дворѣ.
50. О пожарѣ, бывшем в Троицкой вотчине.
51. О обидах монастырьскимъ християномъ[849].
52. О слугѣ Феодоре,[850] иже молитвами Преподобныхъ от смерти спасенъ бысть.
53. О отрокѣ нѣкоемъ, иже видѣ пред собою образ чюдотворца Сергия.
54. О изцелѣнии женѣ от болѣзни.