Егда же на мечное тебя усечение осудиша, слышал если превожделенный и сладчайший глас Господа, глаголющ к тебе сицевая: при иди, Харлампие, друже Мой, многая ради Имени Моего претерпевый, проси у Мене чесо хошеши, и дам ти. Ты же, великий светильниче, рекл Ему усты своими: Господи, аще угодно Тебе есть, молю Тя, даждь славу Имени Твоему, и деже будут положены моя мощи и память моя почитаться, да не будет на месте том глад и мор или тлетворный воздух, погубляющ плоды, но да будет паче на местех тех мир, телесем здравие и душам спасение, изобилие же пшеницы и вина и скотов умножение на потребу человеком. И тако по прошению твоему приял еси от Господа велию благодать. На твоя моления, на тя, священномучениче Христов Харлампие, уповаем, получи ти велию милость от Господа в безконечный век. Аминь.
Да воскреснет Бог, и расточатся врази Его, и да бежат от лица Его ненавидящие Его. Як о исчезает дым, да исчезнут яко тает воск от лица огня, тако да погибнут беси от лица любящих Бога и знаменующихся крестным знамением, и в веселии глаголющих: радуйся, Пречестный и Животворящий Кресте Господень, прогоняяй бесы силою на Тебе пропятого Господа нашего Иисуса Христа, во ад сшедшаго и поправшего силу диаволю и даровавшаго нам тебе, Крест Свой Честный, на прогнание всякаго супостата. О, Пречестный и Животворящий Кресте Господень! Помогай ми со Святою Госпожею Девою Богородицею и со всеми святыми во веки. Аминь.
Кондак, глас 2
Вышних улучити, премудре, желая, долу красных, мудре, преобидел еси, и Христу обнищавшему сообщничав, радуяся последовал еси, Иоанне. К Нему же прилежно не престай моляся о всех нас.
Кондак, глас 3
Уклонился еси житейскаго треволнения, и к пристанищу Божественному управил еси, блаженне, шествия своя, и источил еси исцеления, яко струи, верою и любовию, Иоанне, к тебе притекающим и вопиющим: предстали в День Суда восхваляющим светоносную память твою, отче, и страстей и мук избави.
Преподобие отче Афанасие, изрядный угодниче Христов и великий Афонский чудотворче, во дни земнаго жития твоего многия на путь правый наставивый и во Царствие Небесное мудре руководивый скорбный утешивый, падающим руку помощи подавый, и всем любезен, милостив и сострадателен отец бывый! Ты и ныне, в небесней пребывая светлости, наипаче умножавши любовь твою к нам, немощным, в мори житейстем различие бедствующим, искушаемым духом злобы и страсть ми своими, воюющими на дух.
Сего ради смиренно молим тя, снятый отче: поданней тебе от Бога благодати помози нам волю Господню в простоте сердца и смирении творити, искушения же вражия победити и свирепое страстей море изсушити; да так о немокренно прейдем житейскую пучину и предстательством твоим ко Господу сподобимся достигнута обетованного нам Царствия Небеснаго, славяще Безначальную Троицу, Отца и Сына и Святого Духа, ныне и присно и во веки веков. Аминь.
Ангеле Божий, хранителю мой снятый, на соблюдение мне от Бога с небес данный! Прилежно молю тя: ты мя днесь просвети, и от всякаго зла сохрани, ко благому деянию настави и на путь спасения направи. Аминь.
Моли Бога о мне, святый угодниче Божий (имя), яко аз усердно к тебе прибегаю, скорому помощнику и молитвеннику о души моей.
О, святителю великий Иоанне Златоусте! Ты многая и различная дарования от Господа приял еси, и яко раб благий и верный, вся данныя тебе таланты добре умножил еси: сего ради воистинну вселенский учитель был еси, яко всяк возраст и всяко звание от тебе получается. Се бо отроком послушания образ явился еси, юным – целомудрия светило, мужем – трудолюбия наставник, старым – незлобия учитель, иноком – воздержания правило, молящимся – вождь от Бога вдохновенный, мудрости ищущим – ума просветитель, ветиям доброглаголивым – слова живаго источник неисчерпаемый, благотворящим – милосердия звезда, начальствующим – правления мудраго образ, правды ревнителем – дерзновения вдохновитель, правды ради гонимым – терпения наставник; всем вся был еси, да всяко некия спасавши. Над всеми же сими стяжал еси любовь, яже есть соуз совершенства, и тою, яко силою Божественною, вся дарования в души твоей воедино совокупил еси, и туюжде любовь, разделенная примиряющую, в толковании словес апостольских всем верным проповедал еси. Мы же грешнии, по единому кийиждо свое дарование имуще, единения духа в союз мира не имамы, но бываем тщеславии, друг друга раздражающе, друг другу завидяще: сего ради дарования наша разделенная не в мир и спасение, но во вражду и осуждение нам преложишася. Тем же к тебе, святителю Божий, припадаем, раздором обуреваеми, и в сокрушении сердца просим: молитвами твоими отжени от сердец наших всяку гордость и зависть, нас разделяющия, да во мнозех удех едино тело церковное невозбранно пребудем, да по словеси твоему молитвенному возлюбим друг друга.
Надеждо всех концов земли, Пречистая Дево, Госпоже Богородице, утешение мое! Не гнушайся мене грешняго, на Твою бо милость уповаю: угаси ми пламень греховный и покаянием ороси изсохшее мое сердце, очисти ум мой от греховных помыслов, прими мольбу от души и сердца с воздыханием приносимую тебе. Буди о мне ходатаица к Сыну Твоему и Богу, и укроти гнев Его матерними Твоими молитвами: душевный и телесный язвы исцели, Госпоже Владычище, утоли болезни души и тела, утиши бурю злых нападений вражеских, отьими бремя грехов моих, и не остави мене до конца погибнути, и печалию сокрушенное сердце мое утеши, да славлю Тя до последнего издыхания моего. Аминь.
Боголюбивая Царице, неискусомужняя Дево, Богородице Марие, моли за ны Тебе возлюбившаго и рождшагося от Тебе Сына Твоего Христа Бога нашего: подати нам оставление прегрешений, ми ров и мир, земле плодов изобилие, пастырем святыню и всему человечу роду спасение. Грады наша и страны российский от нахождения иноплеменных заступи, и от междоусобныя брани сохрани.
О, Мати Боголюбивая Дево! О, Царице всепетая! Ризою Своею покрый нас от всякаго зла, от видимых и невидимых враг защити и спаси души наша.
О, святый мучениче Христов Трифоне, скорый помощниче всем, к тебе прибегающим и молящимся пред святым твоим образом скоропослупшый предстателю! Услыши ныне и на всякий час моление нас, почитающих святую память твою, и предстательствуй о нас пред Господом на всяком месте. Ты, бо, угодниче Христов, святый мучениче и чудотворче Трифоне, в великих чудесей возсиявый, прежде исхода твоего от жития сего тленнаго, молился еси за ны ко Господу и испросил еси у него дар сей: аще кто в коей-либо нужде, беде печали и болезни душевней или телесней призывати начнет святое имя твое, той избавлен будет от всякаго при лога злаго. И якоже ты некогда дщерь цареву, во граде Риме от диавола мучиму, исцелил еси, сице и нас от лютых его козней сохрани во все дни жития нашего, наипаче же в день последняго нашего издыхания предстательствуй о нас. Буди нам тогда помощник и скорый прогонитель лукавых духов, и к Царствию небесному предводитель, идеже ты ныне предстоиши с лики святых у Престола Божия. Моли Господа, да сподобит и нас причастниками быти присносущнаго веселия и радости, да с тобою купно удостоимся славити Отца и Сына и Святаго Утешителя Духа во веки веков. Аминь.
Святая славная и всехвальная великомученице Христова Варваро!
Собрании днесь в храме твоем Божественней людие, и раде мощей поклоняющийся и любовию целующий, страдания же твоя мученическая и в них Самого Страстоположника Христа, давшего тебе не точию в Него веровати, но и еже по Нем страдати, похвалами ублажающе, молим тя, известная желания нашего ходотаице; моли с нами и о нас умоляемаго от Своего благоутробия Бога, да милостивно услышит нас, просящих Его благостыню, и не отставит от нас вся ко спасению и житию ну ж дна я прошения, и дарует христианскую кончину жития нашего безболезненну, непостыдну, мирну, Божественных Таин причастну; и всем на всяком месте, во всякой скорби и обстоянии, требующим Его человеколюбия и помощи, великую Свою подаст милость, да благодатию Божиею и твоим теплым предстательством, душею и телом всегда здравии пребывающе, славим дивнаго во святых Своих Бога Израилева, не удаляющего помощи Своея от нас, всегда, ныне и присно и во веки веков. Аминь.
Скорый помощниче всех усердцно к тебе прибегающих и теплый наш пред Господем предстателю, снятый благоверный великий княже Александре! Призри милостиво на ны недостойный, многими беззаконии непотребны себе сотворившыя, к раце мощей твоих (или ко святой иконе твоей) ныне притекающыя и из глубины сердца к тебе взывающыя.
Ты в житии твоем ревнитель и защитник православный веры был еси: и нас в ней теплыми твоими к Богу молитвами непоколебимы утверди. Ты великое возложенное от на тя служение тщательно проходил еси: и нас твоею помощию пребывати коегождо, в неже призван есть, настави. Ты, победив полки супостатов, от пределов Российских отгнал еси: и на нас ополчающихся всех видимых и невидимых врагов низложи. Ты, оставив тленный венец царства земнаго, избрал еси безмолвное житие, и ныне праведно венцем нетленным увенчанный на небесах Царствующим, исходатайствуй и нам, смиренно молим тя, житие тихое и безмятежное, и к вечному Царствию шествие неуклонное твоим предстательством устрой нам.